ლელა ქებურია: მოსახლეობის 21%-ს, რომელიც სიღარიბის ზღვარს ქვემოთ ცხოვრობს, აინტერესებს რამდენით მეტი კეთილდღეობაა 14-3

4 Jul. 2018, 16:18

მარტივი მათემატიკით ვიცით, რომ თოთხმეტს მინუს სამი არის თერთმეტი და თერთმეტი ნაკლებია თოთხმეტზე, მაგრამ ჩვენს მოსახლეობას აინტერესებს, რამდენი მილიონია თოთხმეტს მინუს სამი; პენსიონერს აინტერესებს, თუ რამდენი ლარით გაზრდილი პენსიაა თოთხმეტს მინუს სამი; პედაგოგს, რომლის ხელფასი საჯარო მოხელის მინიმალურ ხელფასსაც კი არ უტოლდება, აინტერესებს თოთხმეტს მინუს სამი რამდენით გაზრდილი ხელფასია; დევნილებს აინტერესებთ, თოთხმეტს მინუს სამი რამდენით მეტი საცხოვრებელი კორპუსია; მოსახლეობის 21%-ს, რომელიც სიღარიბის ზღვარს ქვემოთ ცხოვრობს, აინტერესებს რამდენით მეტი კეთილდღეობაა თოთხმეტს მინუს სამი.

საყოველთაო უმუშევრობის ფონზე კვალიფიციური კადრების გაშვებისკენ არავინ მოგიწოდებთ, მაგრამ საჯარო სამსახური არ არის თქვენი პარტიული აქტივისტების სოციალური სააგენტო. გუშინ, მთელმა საზოგადოებამ ნახა არაკვალიფიციურობის საქმისადმი ზერელე დამოკიდებულებისა და უცოდინრობის მაგალითი, როცა საგამოძიებო კომისიის ფორმატში გამომძიებლების დაკითხვა მიმდინარეობდა. მსგავსი ადამიანები არ უნდა ფინანსებოდნენ ჩვენი მოსახლეობის ჯიბიდან.

დიახ, მე მირჩევნია უფუნქციო დამსკანერებლის დამხმარის ნაცვლად იხეიროს პენსიონერმა, პედაგოგმა, სოციალურად დაუცველმა, დევნილმა და სხვა სოციალურად მოწყვლადმა ფენამ, ვიდრე თქვენმა პარტიულმა აქტივმა. დიახ, მინდა ზუსტად ვიცოდე რას უდრის თოთხმეტს მინუს სამი.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

ნახეთ: მარათონში ჩინურმა რობოტმა ადამიანის რეკორდიც კი მოხსნა