საქართველოს ჯანდაცვის მინისტრის დავით სერგეენკოს განცხადებით, მისი მინისტრობის ექვს წელში ჯანდაცვის სამინისტროს ავტოპარკი არ განახლებულა. ამის შესახებ მინისტრმა საჯარო უწყებებში შავი ჯიპების ტენდენციაზე დასმული კითხვის საპასუხოდ განაცხადა.

"მეექვსე წელი, რაც მე ვმსახურობ ჯანდაცვის მინისტრად, არც ერთი ავტომობილი არ ყოფილა შეძენილი სამინისტროში სამსახურებრივი მოხმარებისთვის. ამის ნაცვლად შეძენილი იყო სპეციალური მოხმარების რეანომობილები", - განაცხადა დავით სერგეენკომ.

პრემიერ-მინისტრმა, მამუკა ბახტაძემ განაცხადა, რომ მთავრობის შემდეგ სხდომაზე სახელმწიფო სტრუქტურებში ჯიპების, ეწ. პერსონალური ავტომობილების და ავტოპარკის საკითხს განიხილავენ. მისი თქმით, ამ მხრივ, სტრუქტურებში არსებული სიტუაცია მიუღებელია.