კლუბი ბასიანი სოლიდარობას უცხადებს ყველა მაღაროელს და აცხადებს, რომ 6 აპრილს, HOROOM-ის ოთახში (HAMATSUKI; WILL GATES; MERCURRIO) შესულ თანხას სრულიად გადაურიცხავს ტყიბულის შახტში გარდაცვლილთა და დაშავებულთა ოჯახებს.

"სახელმწიფომ უნდა უზრუნველყოს საკუთარი მოქალაქეების ღირსებული ცხოვრება, რადგან ზრუნვის მიდგომები და ადამიანისთვის შრომის პირობების შექმნა მნიშვნელოვან აუცილებლობას წარმოადგენს. ჩვენ ვიბრძვით სოციალური და პოლიტიკური უთანასწორობის წინააღმდეგ, ქვეყნის სოციალური კეთილდღეობისთვის", - ნათქვამია კლუბ ბასიანის განცხადებაში.

ტყიბულში, მინდელის სახელობის შახტში 6 მუშა დაიღუპა, 3 დაშავდა. შემთხვევის შედეგად, სხეულის მძიმე დაზიანებები მიიღეს შახტის მიწისქვეშა სამთო ოსტატმა, ოსტატ-ამფეთქებელმა და ოთხმა სამთო მუშამ. ყველა მათგანი, მიღებული დაზიანებების შედეგად, გარდაიცვალა.

6 აპრილი საქართველოში გლოვის დღედ გამოცადდა.