დღეს, ეუთოს ასამბლეის პოლიტიკის კომიტეტის სხდომაზე, უკრაინის უმაღლესი რადას დეპუტატმა და ეუთოს საპარლამენტო ასამბლეაში უკრაინის დელეგაციის წევრმა ანტონ გერაშენკომ რუსეთის დუმის დეპუტატებზე დაწესებულ სანქციების მნიშვნელობაზე ისაუბრა.

მისი განცხადებით, შვეიცარიის ინიციატივის განხორციელება, რუსეთის 20 დეპუტატისთვის სანქციების მოხსნასთან დაკავშირებით, დაუშვებელია:

"დუმის ოც დეპუტატს, ყირიმის ანექსიის სანქციები არ უნდა მოეხსნათ, ჩვენ ამის კატეგორიული წინააღმდეგი ვართ. ევროკავშირში შესვლის უფლება მათ არ უნდა ჰქონდეთ, რადგან უხეშად და უპრინციპოდ დაარღვიეს საერთაშორისო ნორმები".

შვეიცარიული მხარის არგუმენტი სანქციებთან დაკავშირებით იყო ის, რომ რუსულ მხარეს დიალოგის საშუალება უნდა მიეცეს.

"შეგახსენებთ, რომ რუსეთის დუმაში 600 კაცია და 20 კაციანი სია ,რომელზეც სანქციებია დაწესებული, არ უნდა შეიცვალოს. რუსეთმა უნდა აიღოს პასუხისმგებლობა უკრაინის ტერიტორიის ოკუპაციაზე" - განაცხადა გერაშენკომ.