შინაგან საქმეთა სამინისტრო ინფორმაციით, რუსთავში ოთხი არასრულწლოვანი შვილის თანდასწრებით ცოლისა და სიდედრის ცემის ბრალდებით ქმარი დააკავეს.

უწყების თქმით, დაკავებული არაფხიზელ მდგომარეობაში იყო და მსგავსი ქმედება მას წარსულშიც არაერთხელ ჩაუდენია.

გამოძიება არასრულწლოვნის თანდასწრებით, ორი ან მეტი პირის მიმართ ოჯახში ძალადობის ფაქტზე მიმდინარეობს, საქართველოს სსკ-ს 126-ე პრიმა მუხლის მე-2 ნაწილის "ბ" და "გ" ქვეპუნქტებით. ჩადენილი დანაშაული 1-დან 3 წლამდე ვადით თავისუფლების აღკვეთას ითვალისწინებს.