SOU ფესტივალის განცხადებით, ლეგენდარული ისლანდიელი მომღერლის Björk-ის სურვილია, რომ თბილისში კონცერტის დროს ბექსტეიჯი მთლიანად ყვავილებით იყოს მორთული.

"ექსპერიმენტულად შემოქმედებით მოვლენად" აღიარებული ცოცხალი ლეგენდა კონცერტებს 31 ოქტომბერს თბილისის საკონცერტო დარბაზსა და 3 ნოემბერს ოპერისა და ბალეტის თეატრში გამართავს.

SOU-ს განცხადებით, დაგეგმილ კონცერტებთან დაკავშირებით თბილისს, ასევე ცნობილი ისლანდიელი, ახალგაზრდა დირიჟორი, ბარნი ფრიმან ბარნასონი ესტუმრება. ბარნასონი ევგენი მიქელაძის სახელობის საქართველოს ეროვნულ სიმფონიურ ორკესტრს, ორივე კონცერტზე უდირიჟორებს.

ოპერის თეატრში გასამართ ღონისძიებაზე ბილეთები სრულად და 25 ქვეყნის მასშტაბით გაყიდულია, ხოლო ფილარმონიის კონცერტზე დარჩენილია ბილეთების ნაწილი.