ცნობილია, ვინ წარადგენს საქართველოს 2026 წლის საბავშვო ევროვიზიის სიმღერის კონკურსზე. 9 წლის დავით ლომიძე პირველის არხის ტელეპროექტ რანინას მე-9 სეზონის გამარჯვებული გახდა და საერთაშორისო მუსიკალურ კონკურსზე ჩვენი ქვეყნის წარმომადგენლის სტატუსი მოიპოვა.

დავითი გორიდანაა. სიმღერასთან ერთად, უყვარს ცეკვა და ფეხბურთის თამაში. მოგვიანებით გახდება ცნობილი, რა სიმღერას შეასრულებს პატარა მუსიკოსი ევროპის ერთ-ერთ ყველაზე დიდ სცენაზე.

2026 წლის საბავშვო ევროფესტივალს მალტა უმასპინძლებს. კუნძულოვან სახელმწიფოში საბავშვო ევროფესტივალი უკვე მესამედ ჩატარდება. რიგით 24-ე ევროვიზია ჯუნიორი 24 ოქტომბერს გაიმართება. ჯერჯერობით უცნობია, რამდენი ქვეყანა მიიღებს მონაწილეობს წლევანდელ კონკურსზე.

შეგახსენებთ, რომ გასულ წელს საბავშვო ევროვიზია თბილისში გაიმართა, სადაც საქართველოს რეკორდთან გათანაბრებული მეოთხე გამარჯვება საფრანგეთმა მოიპოვა. კონკურსის წესების თანახმად, პირველი სწორედ საფრანგეთს შესთავაზეს ფესტივალის მასპინძლობა, მაგრამ ქვეყანამ ფინანსური მიზეზების გამო უარი თქვა.

ასევე იხილეთ:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...