ჰოლივუდის მსახიობები, როგორც წესი, დიდ ჰონორარებს იღებენ, თუმცა, ყოველთვის ასე როდი ხდება ხოლმე. წლების განმავლობაში არაერთმა ვარსკვლავმა თქვა უარი კინო თუ სატელევიზიო როლებზე, რადგან მათ შესაბამის ანაზღაურებას არ სთავაზობდნენ.

აი, ის 8 ცნობილი მსახიობი, რომლებიც ფილმებისა თუ სერიალების კონტრაქტების გაფორმებისას შეთავაზებულმა ანაზღაურებამ ვერ დააკმაყოფილა:

1. ნევ კემპბელი

ნევ კემპბელმა ანაზღაურებასთან დაკავშირებული დავის გამო Scream VI-ში მონაწილეობაზე უარი თქვა. "როდესაც ეს გადაწყვეტილება მივიღე, უბრალოდ ვიფიქრე, რომ გადასაღებ მოედანზე გასვლის შემდეგ მშვიდად ვერ ვიცხოვრებდი, თავს კარგად ვერ ვიგრძნობდი. ზუსტად ვიცოდი, რომ ჩემი ფასი ამ ფილმისთვის იმაზე ბევრად მეტი იყო, ვიდრე შემომთავაზეს. აუცილებელი იყო ამ გადაწყვეტილების მიღება." — აღნიშნა ნევ კემპბელმა.

თუმცა, მსახიობი ფრენჩაიზს დიდი ხნით არ დამშვიდობებია. საბოლოოდ, ნევ კემპბელმა თავისი საკულტო როლი Scream VII-ში მაინც მოირგო.

2. არდენ ჩო

არდენ ჩომ Teen Wolf-ის ფილმში თავისი როლის შესრულებაზე უარი თქვა, რადგან მას თეთრკანიან და კაც კოლეგებთან შედარებით დაბალ ანაზღაურებას სთავაზობდნენ.

"ახლავე, დაუფიქრებლად შემიძლია დავასახელო ათზე მეტი აზიელი ამერიკელი მსახიობი, რომლებსაც ვიცნობ და რომლებსაც თავიანთ კოლეგებზე ბევრად ნაკლებს უხდიდნენ. ზოგჯერ უბრალოდ არჩევანი არ გაქვს, რომ უარი თქვა. ზოგჯერ ეს ფული ძალიან გჭირდება, რადგან გადასახადები გაქვს გადასახდელი," — განაცხადა არდენ ჩომ.

3. ემი როსუმი

ემი როსუმი Shameless-ში ფიონა გალაჰერის როლს ასრულებს, თუმცა მე-10 სეზონში შოუ მიატოვა. მანამდე მსახიობი თანაბარი ანაზღაურებისთვის იბრძოდა, რადგან მის კოლეგაზე, უილიამ მეისზე ნაკლებს უხდიდნენ. სწორედ ამის გამო, ფანები ვარაუდობდნენ, რომ სერიალის საბოლოოდ დატოვების გადაწყვეტილებაში ფინანსურმა ფაქტორმა მნიშვნელოვანი როლი ითამაშა.

4. კრის პაინი

კრის პაინი Star Trek 4-ში კაპიტან კირკის როლის შესასრულებლად მოლაპარაკებებს აწარმოებდა, თუმცა მან ეს შესაძლებლობა ხელიდან გაუშვა და პროექტი დატოვა. ამბობენ, რომ ის Paramount Pictures-სა და Skydance Media-სთან შეთანხმებული იყო, თუმცა წინა ფილმის, Star Trek Beyond-ის დაბალი შემოსავლის გამო, მას ჰონორარის შემცირება მოსთხოვეს, რაზეც მსახიობმა უარი განაცხადა.

5. რობ ლოუ

როდესაც რობ ლოუ The West Wing-ის გადაღებებს შეუერთდა, ის თითო ეპიზოდში დაახლოებით $70 000-ს გამოიმუშავებდა. შოუს განვითარებასთან ერთად, მას კონტრაქტის პირობების გადახედვა და ხელფასის მომატება სურდა, ისევე როგორც მის კოლეგას, მარტინ შინს. თუმცა, ეს შეთანხმება ვერ შედგა, რის გამოც მსახიობმა მე-4 სეზონში სერიალი დატოვა.

6. კრისპინ გლოვერი

კრისპინ გლოვერი Back to the Future-ში ერთ-ერთ ყველაზე საკულტო როლს თამაშობს, თუმცა ის ფილმის გაგრძელებებში აღარ გამოჩენილა. მას არც სცენარი არ მოეწონა და ასევე აცხადებდა, რომ როლის შესასრულებლად იმაზე ნაკლებ ჰონორარს სთავაზობდნენ, ვიდრე სამსახიობო ჯგუფის სხვა წევრებს. მან ფილმში მონაწილეობისათვის $1 მილიონი მოითხოვა, თუმცა უშედეგოდ.

1990 წელს გლოვერმა Universal Pictures-ს საავტორო უფლებების დარღვევის გამო სასამართლოში უჩივლა, რადგან ეკრანზე მისი სახის ნიღაბი გამოიყენეს, რათა პერსონაჟი მას დამსგავსებოდა. გავრცელებული ინფორმაციით, მორიგების შედეგად მას კომპენსაციის სახით $760 ათასი გადაუხადეს.

7. უილ სმიტი

Independence Day-ში უილ სმიტი კაპიტან სტივ ჰილერის როლს თამაშობს. თუმცა, ის 2016 წლის გაგრძელებაში აღარ გამოჩენილა. ფილმის რეჟისორმა განაცხადა, რომ მსახიობი პროექტისთვის "ზედმეტად ძვირი" იყო.

8. ბრიუს უილისი

ბრიუს უილისმა Expendables 3 მას შემდეგ დატოვა, რაც ოთხდღიანი სამუშაოსთვის მოთხოვნილი $4 მილიონის ნაცვლად, $3 მილიონი შესთავაზეს. საბოლოოდ, მის ნაცვლად როლზე ჰარისონ ფორდი დაამტკიცეს.