ფაშიზმზე გამარჯვების 81-ე წლისთავთან დაკავშირებით, საქართველოს მთავრობამ ვეტერანებისა და მათი ოჯახებისთვის ერთჯერადი სოციალური დახმარების გაწევის გადაწყვეტილება მიიღო. 6 მაისით დათარიღებულ განკარგულებას ირაკლი კობახიძე აწერს ხელს.

  • 2 000 ლარი — მეორე მსოფლიო ომის უშუალო მონაწილეებისთვის;
  • 1 000 ლარი — ომში დაღუპული მეომრების ოჯახის წევრებისთვის.

განკარგულებაში წერია, რომ თანხას მიიღებენ ის პირები, რომლებიც ფიქსირდებიან ვეტერანების საქმეთა სახელმწიფო სამსახურის ელექტრონულ რეესტრში.

საქართველოს მთელ ტერიტორიაზე, გარდა თბილისისა, ერთჯერადი ფულადი სოციალური დახმარების გაცემას უზრუნველყოფს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ სოციალური მომსახურების სააგენტო, ხოლო თბილისში რეგისტრირებული მეორე მსოფლიო ომის მონაწილეებისა და მეორე მსოფლიო ომში დაღუპულთა ოჯახების წევრებისათვის ფულადი დახმარების გაცემას თბილისის მერია უზრუნველყოფს, — წერია განკარგულებაში.