"დაველოდებოდი საკონსტიტუციო სასამართლოს გადაწყვეტილებას კონკრეტულ პარტიებთან დაკავშირებით და ამის შემდეგ შეიძლება მოვიღოთ გადაწყვეტილება დიალოგის შესახებ", — განაცხადა ირაკლი კობახიძემ ბრიფინგზე ლელოს ინიციატივაზე საუბრისას დიალოგის დაწყების შესახებ. მისივე თქმით, ამ ნაბიჯით ლელო ცდილობს თავი დაიხსნას საკონსტიტუციო სარჩელისგან და შესაბამისი პროცესისგან

"ლელო ცდილობს თავი დაიხსნას საკონსტიტუციო სარჩელისგან და შესაბამისი პროცესისგან. ეს მოახერხა თავის დროზე გახარიას პარტიამ, როცა შევიდა პარლამენტში. შეიძლება იგივე მცდელობა ჰქონდეს ლელოსაც. თუმცა, მე მეეჭვება, რომ თავი დაიხსნან საკონსტიტუციო სარჩელისგან. ჩვენთვის ეს პარტიები არის აბსოლუტურად ერთი და იგივე — ნაცმოძრაობა, ახალი, ლელო, გახარია, ყველა სხვა.... ესენია არიან სინამდვილეში ერთი ძალა, მათ აერთიანებთ ერთისა ერთო რამ, ყველა მათგანი არის აგენტურა და მოქმედებენ გარე ძალების კარნახით ჩვენს ქვეყანაში. ასევე რაც შეეხება ბოკერიას და ე.წ. პოლიტიკოსების განცხადებებს, ასეთ განცხადებებს ისინი აკეთებენ მრავალი წელია, უყვართ ბაქიბუქი და ვერ ელევიან ამ ყველაფერს და ვერც ერთ შემთხვევაში მათი განცხადებები ვერ აღმოჩნდა წარმატებული. შეუძლიათ ილაპარაკონ, რაც უნდათ. საქართველოში არის დემოკრატია და სისულელეების ლაპარაკი შედის დემოკრატიული პრინციპის სივრცეში. ...მე პირველ რიგში დაველოდებოდი საკონსტიტუციო სასამართლოს გადაწყვეტილებას კონკრეტულ პარტიებთან დაკავშირებით, მათ შრის ლელოსთან დაკავშირებით, და ამის შემდეგ შეიძლება მოვიღოთ გადაწყვეტილება დიალოგის შესახებ", — თქვა ირაკლი კობახიძემ ბრიფინგზე ლელოს ინიციატივაზე დიალოგის დაწყების შესახებ.