"ევროპარლამენტი მტკიცედ მიესალმა უკრაინისთვის მრავალეროვნული თავდაცვითი ძალების შექმნას. ეს ნიშნავს, რომ უახლოეს ერთ ან ორ წელიწადში ევროპულმა ომმა შეიძლება ჩვენს კარზე მოაკაკუნოს", — ამის შესახებ უნგრეთის პრემიერმინისტრმა, ვიქტორ ორბანმა განაცხადა. მის სიტყვას უნგრეთის სახელმწიფო მდივანი საზოგადოებრივი დიპლომატიისა და ურთიერთობების საკითხებში ზოლტან კოვაჩი ავრცელებს.

ვიქტორ ორბანის თქმით, უნგრეთში წელს, გაზაფხულზე დაგაგმილი საპარლამენტო არჩევნები შესაძლოა უკანასკნელი იყოს ევროპულ-რუსულ ომამდე. მისივე განმარტებით, მთავრობა, რომელსაც აირჩევენ, გადაწყვეტს, შეძლებს თუ არა უნგრეთი ომისგან თავის შორს დაჭერას.

"ევროპარლამენტი მტკიცედ მიესალმა უკრაინისთვის მრავალეროვნული დამცავი ძალების შექმნას. ფრანგებმა უკვე მოაწერეს ხელი შეთანხმებას ბრიტანელებთან სამხედრო შენაერთების გაგზავნის შესახებ. ეს ნიშნავს, რომ უახლოეს ერთ ან ორ წელიწადში ევროპულმა ომმა შეიძლება ჩვენს კარზე მოაკაკუნოს. წინამდებარე არჩევნები შესაძლოა უკანასკნელი იყოს ევროპულ-რუსულ ომამდე და მთავრობა, რომელსაც ავირჩევთ, გადაწყვეტს, შეძლებს თუ არა უნგრეთი მისგან თავის შორს დაჭერას.", — განაცხადა ვიქტორ ორბანმა.