დღეს, 26 თებერვალს, ქობულეთის შემოვლით გზაზე ავტოსაგზაო შემთხვევას ორი ადამიანის სიცოცხლე ემსხვერპლა, ერთი კი დაშავდა და კლინიკაში გადაიყვანეს. ინფორმაციას ბათუმელები ავრცელებს.

შსს-ს ცნობით, გამოძიება სსკ-ის 276-ს მუხლის მე-6 ნაწილის შესაბამისად დაიწყო, რაც ტრანსპორტის მოძრაობის უსაფრთხოების, ან ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.