როცა ორგანიზმი გემრიელობას გვთხოვს, მაშინვე ნამცხვრები, შოკოლადები თუ სხვა სახის ტკბილეულობა გვახსენდება. შესაძლოა, ერთი ნაჭერი ჩიზქეიქი და ნაყინით სავსე დიდი ჯამი გემრიელი იყოს, თუმცა ამ დოზით ტკბილეულობის მირთმევა ჩვენი ჯანმრთელობისთვის სასარგებლო ნამდვილად არ არის. რეალურად კი, ამ ერთი შეხედვით უწყინარი ჩვევის მიღმა ფსიქოლოგიური ფაქტორი იმალება.

რატომ მთხოვს ორგანიზმი ტკბილეულსა და შაქარს?

პირველ რიგში — გემრიელია.

საკვები პროდუქტების მწარმოებელი კომპანიები ხშირად ატარებენ კვლევებს იმის დასადგენად, თუ რომელი ინგრედიენტები ახდენს ყველაზე ძლიერ ზემოქმედებას გემოს რეცეპტორებზე.

"ჩვენი ტვინი ისეა მოწყობილი, რომ ისიამოვნოს იმით, რაც გვაბედნიერებს", — ამბობს დიეტოლოგი, ანა ტეილორი — "კერძოდ, შაქარი ტვინში გამოყოფს ქიმიურ ნივთიერებებს, მაგალითად სეროტონინს, რომელიც თავს კარგად გვაგრძნობინებს".

შესაბამისად, ჩვენს სხეულს ამ სიამოვნების შეგრძნება უფრო და უფრო მეტად უნდება.

საკმარის საკვებს არ იღებთ

დილის ყავით დაწყებით და შუადღეს სალათის მირთმევით თქვენს ორგანიზმს კარგ საქმეს ნამდვილად უკეთებთ.

ცნობილია, რომ ცარიელი ნახშირწყლების მიღება, მაგალითად — ჩიფსი, ტკბილეული და ორცხობილა, დღის ბოლოს ნიშნავს იმას, რომ კალორიები ცხიმის სახით შეინახება. კიდევ ერთი ჩვევა, რომელიც შესაძლოა შაქრის მოთხოვნილებას ზრდიდეს, კვების გამოტოვება ან კვებებს შორის დიდი ინტერვალის დატოვებაა (მაგალითად, დილით საუზმის მირთმევა და შემდეგ საღამომდე არაფრის ჭამა).

"შაქრის მიღების ძლიერი სურვილი სეროტონინის დაბალმა დონემაც შეიძლება გამოიწვის", — განმარტავს ტეილორი — "ამიტომ, მოწყენილობისა თუ სტრესის დროს შაქარი განსაკუთრებით მიმზიდველი ხდება".

სტრესში ხართ

შესაძლოა, ხშირად აღმოაჩინოთ, რომ ზედმეტად ბევრ ტკბილეულს მიირთმევთ. შემდეგ ჯერზე, როცა ეს მოხდება, ყურადღება მიაქციეთ თქვენი სტრესის დონეს. დღის დასაწყისში, ხომ არ გინერვიულიათ უნივერსიტეტში ან სამსახურში?

დარწმუნებით შეგვიძლია ვთქვათ, არ უნდა გაგიკვირდეთ, თუ ასეთ სიტუაციაში ნაყინი ან სხვა ტკბილეული მოგინდებათ.

ეს იმიტომ ხდება, რომ სტრესის ჰორმონები ხელს უწყობს შაქრისადმი მიდრეკილებას, რაც ზრდის გრელინის დონეს. გრელინი, იგივე შიმშილის ჰორმონი, ასტიმულირებს თქვენს მადას. კვლევები აჩვენებს, რომ გრელინის დონის მატებამ შეიძლება ხელი შეუწყოს შაქრისადმი მოთხოვნილებას.

"ეს იწვევს ძლიერი შიმშილის გრძნობას, რის შედეგადაც გიჩნდებათ სურვილი ნებისმიერი ტკბილეული მიირთვათ, რომელიც კი ხელში მოგხვდებათ", — ამბობს ტეილორი.

საკმარისად არ გძინავთ

კიდევ ერთი მიზეზი, რამაც შეიძლება ტკბილეულობის მიმართ მოთხოვნილება გაზარდოს — უძილობაა. რასაკვირველია, ყველამ ვიცით, რომ დღეში 7 საათი უნდა გვეძინოს, თუმცა ყოველთვის ვერ ვახერხებთ ამას.

კვლევები გვიჩვენებს, რომ ძილის უკმარისობა მნიშვნელოვან როლს თამაშობს იმაში, თუ როგორ აღიქვამს თქვენი ტვინი საკვებს და როგორ მართავს მის მიმართ ლტოლვას.

და როგორ ვუშველო ამ ჩვევას?

ექიმი ტეილორი გვირჩევს, რომ, როცა ტკბილი მოგვინდება რამდენიმე საათით გავისეირნოთ, დავლიოთ საკმარისი რაოდენობის წყალი, უპირატესობა მივანიჭოთ ჯანსაღ სასუსნავებსა და დავიძინოთ 7-9 საათის განმავლობაში.