მსოფლიოში ერთ-ერთი წამყვანი სპორტული ბრენდი — PUMA აგრძელებს სივრცეების გარდაქმნას და მომხმარებლის გამოცდილების ახალ საფეხურზე გადაყვანას. სიამაყით შეგვიძლია აღვნიშნოთ, რომ თბილისი გახდა პირველი ქალაქი აღმოსავლეთ ევროპაში, სადაც PUMA-მ ახალი კონცეფციის მაღაზია ოფიციალურად გახსნა, რაც საქართველოში რითეილ გარემოს მნიშვნელოვნად აძლიერებს.

TGL Group არის PUMA-ს ოფიციალური წარმომადგენელი საქართველოში, რომელსაც პუმასთან მრავალწლიანი პარტნიორობა აკავშირებს, ახალი ფილიალი სითი მოლი საბურთალოს მესამე სართულზე მდებარეობს და 2025 წლის 5 დეკემბრიდან ელოდება მომხმარებლებს.

ფოტო: PUMA

ახალი ფილიალი აერთიანებს თანამედროვე დიზაინს, ინოვაციურ ვიზუალურ ნარატივს და ბრენდის უახლეს გლობალურ სტანდარტებს

რა არის PUMA-ს ახალი გლობალური კონცეფცია — Field of Play?

PUMA-ს ახალი კონცეფცია, სახელწოდებით Field of Play, მსოფლიო მასშტაბით, პირველად, მიმდინარე წელს დაინერგა და ბრენდის ძირითადი ფასეულობების თანამედროვე ინტერპრეტაცია გახლავთ!

კონცეფცია გამოირჩევა:

  • ღია, ნათელი და ლაკონიური არქიტექტურით, რომელიც მაქსიმალურად წარმოაჩენს ბრენდის ტექნოლოგიასა და დიზაინის აქცენტებს;
  • პროდუქციის სტრატეგიული ზონირებით, რაც მომხმარებელს ეხმარება კატეგორიებში მარტივად გადაადგილებაში — Performance,Sportstyle, Lifestyle, Football, Motorsport, Basketball;
  • პრემიუმ ვიზუალური კომუნიკაციით, რომელიც თითოეული კოლექციის ხაზს აძლევს გამორჩეულ იდენტობას;
  • თანამედროვე რითეილ გამოცდილებით, რომელიც შექმნილია მომხმარებლის შოპინგ საჭიროებების გათვალისწინებით.

ფოტო: PUMA

პუმას გლობალური გეგმა და თბილისის სტრატეგიული მნიშვნელობა

PUMA-ს გლობალურ სტრატეგიაში ერთ-ერთი პრიორიტეტი ბრენდის საცალო ქსელის განახლება და მუდმივი განვითარებაა. ის ფაქტი, რომ თბილისი, ლონდონის გრანდიოზული გახსნიდან ერთ კვირაში, პირველ ქალაქად შეირჩა აღმოსავლეთ ევროპაში, ძლიერი სიგნალია საქართველოს რითეილ ბაზრის განვითარებადი დინამიკის, მომხმარებლის მაღალი ინტერესისა და პოტენციალის შესახებ.

პუმას ხელმძღვანელების განცხადებით, ახალი კონცეფციის მაღაზიების გახსნა გლობალური განვითარების ნაწილია, რომელიც მიზნად ისახავს:

  • ბრენდის პოზიციის გაძლიერებას მთავარ ბაზრებზე;
  • მომხმარებლისთვის მრავალფეროვანი და ექსკლუზიური კოლექციების შეთავაზებას;
  • ინოვაციური სავაჭრო ფორმატის დანერგვას პროგრამულ რეგიონებში.

PUMA-ს ახალ Field of Play კონცეფციაში თბილისის ინტეგრაცია დიდი წინსვლაა, როგორც ადგილობრივი მომხმარებლისთვის, ისე PUMA-ს ბრენდის წარმომადგენლებისთვის საქართველოში. თბილისი აღარ არის უბრალოდ რეგიონული ცენტრი, ის გახდა პირველი აღმოსავლეთ ევროპული პლატფორმა, სადაც გლობალური ბრენდები საკუთარ ინოვაციურ ფორმატებს ნერგავენ. საქართველოსთვის ეს ნიშნავს წამყვან პრემიუმ ბრენდებთან თანამშრომლობის კიდევ უფრო გაღრმავებასა და საერთაშორისო სტანდარტებთან შესაბამის საცალო კულტურას, რაც ქვეყნის მზარდ საერთაშორისო მნიშვნელობაზე მეტყველებს, სპორტული ბრენდებისა და მოდის ინდუსტრიის განვითარების მიმართულებით.

ფოტო: PUMA

რა ელოდება მომხმარებელს პუმას ახალ მაღაზიაში?

PUMA-ს ახალი თბილისის ფილიალი მომხმარებლებს სთავაზობს:

  • უახლეს სპორტულ კოლექციებს, lifestyle-სა და მოტოსპორტში;
  • ექსკლუზიური ხაზის პროდუქციას, სადაც წარმოდგენილია მნიშვნელოვანი კოლაბორაციები;
  • თანამედროვე ვიზუალურ გარემოს, რომელიც მარტივად აერთიანებს პროდუქტს, ისტორიასა და დიზაინს.

პუმას ოფიციალური მაღაზიები მდებარეობს შემდეგ მისამართებზე:

სითი მოლი საბურთალო
ვაჟა ფშაველას გამზირი 10
რუსთაველის გამზირი 1
ბათუმი, ბარათაშილის 25

ოფიციალური კოლექციები წარმოდგენილია თიჯიელ ჯგუფის მულტიბრენდულ ტოპსპორტის ფილიალებში, თბილისსა და ბათუმში.