ნილ ჰოლანდი: "მოვუწოდებთ საქართველოს, აღადგინოს სასამართლოს დამოუკიდებლობა და გაათავისუფლოს უსამართლოდ დაკავებული ოპოზიციის წარმომადგენლები"

13 Nov. 2025, 17:50

ნილ ჰოლანდი: "რუსეთის უკრაინაში შეჭრამ კვლავაც განადგურება მოუტანა ამ ქვეყანას. ეუთოსა და სხვა საერთაშორისო წყაროების ანგარიშები არ ტოვებს ეჭვს — რუსეთი სისტემატურად არღვევს უკრაინელი ბავშვების, მშვიდობიანი მოქალაქეების და სამხედრო ტყვეების უფლებებს. თავად რუსეთში კი ფუნდამენტური თავისუფლებები პრაქტიკულად განადგურებულია — აღარ არსებობს სივრცე დამოუკიდებელი მედიისა თუ სამოქალაქო საზოგადოებისათვის. გაერთიანებული სამეფო მოუწოდებს რუსეთს, დასრულოს მისი უკანონო ომი, გაიყვანოს ჯარები უკრაინის ტერიტორიიდან და დაიცვას ეუთოს პრინციპები როგორც ქვეყნის შიგნით, ისე გარეთ.

ჩვენ ასევე გვაშფოთებს რეგიონში არსებული სხვა გამოწვევები. მოვუწოდებთ ბელარუსს, გაათავისუფლოს ყველა დარჩენილი პოლიტპატიმარი და შეასრულოს საერთაშორისო ვალდებულებები და ეუთოს მიმართ აღებული ვალდებულებები. ასევე ვთხოვთ ბელარუსს, უზრუნველყოს, რომ ყოფილ პოლიტპატიმრებს გათავისუფლების შემდეგ არ დაემუქროთ შევიწროება ან იძულება. მოვუწოდებთ საქართველოს, აღადგინოს სასამართლოს დამოუკიდებლობა, გააუქმოს სამოქალაქო საზოგადოების წინააღმდეგ მიმართული კანონები და გაათავისუფლოს უსამართლოდ დაკავებული ოპოზიციის წარმომადგენლები. მოვუწოდებთ ყირგიზეთს, არ აღადგინოს სიკვდილით დასჯა და შეასრულოს თავისი საერთაშორისო ვალდებულება მისი გაუქმების შესახებ". — განაცხადა 6 ნოემბერს, დიდი ბრიტანეთის დელეგაციის ხელმძღვანელმა ეუთოში, ნილ ჰოლანდმა.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

ირაკლი კობახიძე: 1978 წლის 14 აპრილს ქართველმა ერმა მსოფლიოს დაანახა, რომ არასოდეს დათმობს ეროვნულ ღირსებას