"მადლობა გაქვთ მოსახდელი თითოეული უმრავლესობის წევრისთვის, რომ საერთოდ მოგეცით უფლება, რომ აქ სხედხართ და დღეს საქართველოს პარლამენტის დეპუტატები გქვიათ", — ასე მიმართა ქართული ოცნების ფრაქციის თავმჯდომარემ, ირაკლი კირცხალიამ და გახარია-საქართველოსთვის დეპუტატებს პარლამენტის პლენარულ სხდომაზე.

"მაგრამ ასევე გახსოვდეთ ერთი, ძალიან მკაფიოდ და ნათლად, რომ ჩვენ პატივი ვეცით იმ ამომრჩეველს, რომელ ამომრჩეველსაც თქვენ ატყუებდით არჩევნებამდე, რომ თითქოს წარმოადგენდით რაიმე განსხვავებულ პოლიტიკურ ძალას. ერთი გახსოვდეთ — დღეიდან 3 წლის განმავლობაში მოგიწევთ ყოველ დღე თავის მართლება, რომ თქვენ არ ხართ ნაცები", — თქვა კირცხალიამ.

პარტია გახარია საქართველოსთვის წევრები დღეს პარლამენტში მივიდნენ. პარტიის ერთ-ერთმა ლიდერმა, გიორგი შარაშიძემ განაცხადა, რომ "ოცნებას ჰქონდა ლეგიტიმაციის პრობლემა, მაგრამ მას შემდეგ, რაც ტოტალური კამპანია დაიწყო მუნიციპალური არჩევნების ბოიკოტის სასარგებლოდ და 4 ოქტომბრის უპასუხისმგებლო პროვოკაციით, ამან ოცნებას, სამწუხაროდ, მისცა საბაბი, დაეძლია ლეგიტიმაციის კრიზისიც".