მიმდინარე წლის პირველი ნახევარი Apple-თვის (AAPL) სახარბიელო არ იყო, თუმცა iPhone 17-ის პრეზენტაციის შემდეგ მისი აქციების ფასი მიმდინარე წლის მაქსიმუმზე დაფიქსირდა. წლის დასაწყისში, ტარიფებთან დაკავშირებული გაურკვევლობის ფონზე კომპანიის აქციები 30%-ით დაეცა. თუმცა, სექტემბრის დასაწყისთან შედარებით ერთი აქციის ღირებულება 10%-ით არის გაზრდილი. გასული წლის დეკემბრის შემდეგ ერთი აქციის ღირებულებამ ყველაზე მაღალ მაჩვენებელს რამდენიმე დღის წინ, 25 სექტემბერს მიაღწია, როდესაც სავაჭრო დღე 256,87 დოლარზე დაიხურა.

ბუნებრივია, კომპანიის აქციების ზრდა ახალი iPhone 17-ის სექტემბრის დასაწყისში გამართულ პრეზენტაციას უკავშირდება. ანალიტიკოსები ამბობენ, რომ გასულ წელთან შედარებით, ონლაინ შეძენილი iPhone 17-ის მიწოდების ვადები გახანგრძლივებული, რაც, მათი შეფასებით, მაღალ მოთხოვნაზე მიანიშნებს.

აღსანიშნავია, რომ მიწოდების ყველაზე დიდი ვადები დაფიქსირებულია ჩინეთში. ეს პოზიტიური სიგნალია კომპანიისთვის, რადგან ჩინური ბაზარი Apple-თვის ძალიან მნიშვნელოვანია. როგორც ცნობილია, ამ ბაზარზე ადგილობრივი მოთამაშეების მოძლიერების ფონზე კონკურენცია გაზრდილია, თუმცა ზოგიერთი ანალიტიკოსი თვლის, რომ ამ ბაზარზე Apple-ის ზრდის უარყოფითი ტენდენციები 2026-ის ფინანსურ წელს დადებითი მიმართულებით შეიცვლება.

ბუნებრივია, მხოლოდ მიწოდების ვადები ყოველთვის ვერ გვაძლევს სრულ სურათს, თუ როგორია მოთხოვნა ამა თუ იმ პროდუქტზე, რადგან პროდუქციის მომხმარებლამდე მიწოდება არაერთ ფაქტორზეა დამოკიდებული. სხვადასხვა გათვლებით, iPhone 17-ზე პირველადი მოთხოვნა მისი წინამორბედისას 10-15%-ით აღემატება. რამდენად შენარჩუნდება Apple-ის აქციების ღირებულების ზრდა, ეს მისი პროდუქტების გაყიდვებზე, კომპანიის ფინანსურ მდგომარეობასა და ინვესტორების მოლოდინებზე იქნება დამოკიდებული.

ამჟამად Apple-ის ერთი აქციის ღირებულება 253.50 დოლარია. კომპანიის საბაზრო კაპიტალიზაცია 3.77 ტრილიონ დოლარს აჭარბებს. ის ამ მაჩვენებლით მსოფლიოს უმსხვილეს კომპანიებს შორის მესამე ადგილზეა.

აქვე გეტყვით, რომ ამ და სხვა კომპანიების აქციების შეძენა მარტივად, თიბისის მობაილბანკშია შესაძლებელი. გაითვალისწინე, რომ ეს არ არის ფინანსური რჩევა და საინვესტიციო გადაწყვეტილების მიღებამდე დამატებითი კვლევა ჩაატარე.

ამასთან, შემოგვიერთდი ჯგუფში ინვესტიციები — ვაჭრობა საფონდო ბირჟაზე და ერთად განვიხილოთ საინვესტიციო სიახლეები და მიმდინარე ამბები.