საქართველოს მე-5 პრეზიდენტი სალომე ზურაბიშვილი უკრაინელ ხალხს და უკრაინის პრეზიდენტს, ვოლოდიმირ ზელენსკის უკრაინის დამოუკიდებლობის დღეს ულოცავს. მისი თქმით, უკრაინამ მთელი ევროპის გაერთიანება მოახერხა და ვერავინ მოახერხებს, მოიპოვოს უკრაინას ვერც ომის და ვერც მშვიდობის გზით.

"ძვირფასო ვოლოდიმირ, ძვირფასო პრეზიდენტო ზელენსკი, ძვირფასო უკრაინელო მეგობრებო, თქვენი ქვეყნის წინააღმდეგ წარმოებული რუსული აგრესიის შემდეგ, ეს უკვე მესამედ, გულწრფელად გიგზავნით ქართველი ხალხის მილოცვებს დამოუკიდებლობის დღესთან დაკავშირებით.

ჩვენ, ქართველები და თქვენ, უკრაინელები, კარგად ვაცნობიერებთ დამოუკიდებლობის ფასს, ტერიტორიული მთლიანობის ფასს, სუვერენიტეტის ფასს. ბოლო წლებში თქვენ მსოფლიოს დაუმტკიცეთ რას ნიშნავს დაიცვა საკუთარი ტერიტორია, დაიცვა შენი დამოუკიდებლობა და სუვერენიტეტი.

თქვენ მოახერხეთ გაგეერთიანებინათ მთელი ევროპა თქვენს გვერდით და დარწმუნებული ვარ, რომ თქვენ არა მხოლოდ აჩვენებთ, რომ ვერავინ მოიპოვებს უკრაინას ომის გზით, არამედ აჩვენებთ, რომ ვერავინ მოიპოვებს უკრაინას მშვიდობის გზითაც", — ამბობს პრეზიდენტი ვიდეომიმართვაში.