29 სექტემბერს კინოეკრანზე დიუგ ლაიმანის ახალი ფილმი American Made გამოდის, რომელშიც მთავარ როლს მსახიობი ტომ კრუზი ასრულებს.

ფილმის გამოსვლამდე კი ზემოთ ხსენებული მსახიობი და რეჟისორი სკანდალში გაეხვნენ, მათ გადამღები ჯგუფის ორი წევრის სიკვდილში ადანაშაულებენ.

2015 წელს, სწორედ ამ ფილმის გადასაღებ მოედანზე გარდაიცვალა გადამღები ჯგუფის ორი წევრი.

დაღუპულთა ოჯახის წევრებმა სასამართლოს მიმართეს. ისინი კინოკომპანიებს Imagine Entertainment, Vendian Entertainment და Cross Creek Pictures-ს უსაფრთხოების ზომების დარღვევაში ადანაშაულებენ, თუმცა ნათესავები ამ ნორმების დარღვევის ინიციატორებად სწორედ დიუგსა და კრუზს ასახელებენ.

როგორც ცნობილია რეჟისორსა და მთავარი როლის შემსრულებელს სარისკო ტრიუკის გადაღება სურდათ, უსაფრთხოების ნორმების დაუცველობამ კი ავიაკატასტროფა გამოიწვია.

საქმე სასამართლოში 2016 წელს შეიტანეს, მისი განხილვა კი ამ დრომდე მიმდინარეობს.