ახალი ამბები On.ge

პაველ ჰერჩინსკი

9 May. 2025, 14:28

"ის, რაც ვნახეთ თბილისისა და საქართველოს სხვა ქალაქების ქუჩებში ახლა, მიუღებელია. ჩვენ გვაქვს სიტუაცია, როდესაც ბევრი ადამიანი უსამართლოდ არის დაკავებული და სწორედ ამიტომ ვცდილობთ სანქციების დაწესებას იმ ქართველი თანამდებობის პირებისთვის, რომლებიც პასუხისმგებელნი არიან ძალადობაზე. სანქციების მიღებას ამ ეტაზე ერთსულოვნება სჭირდება. სწორედ ამიტომ გადაწყვიტა რამდენიმე წევრმა სახელმწიფომ ეროვნული სანქციების დაწესება და ეს რიცხვი იზრდება. ვფიქრობ, პოლონეთი იყო ბოლო, რომელიც ორი კვირის წინ ეროვნული სანქციებით შემოიფარგლებოდა და ჩემი უფროსები ბრიუსელში გააგრძელებენ მცდელობას, რომ სანქციები შეთანხმებული იყოს ევროკავშირის 27 წევრის დონეზე. [...]

ახლა წევრი სახელმწიფოები, რომლებიც პასუხისმგებელნი არიან თავიანთ საზღვრებზე ახორციელებენ ამ ერთობლივ გადაწყვეტილებას დიპლომატიური პასპორტების შეზღუდვაზე.

რატომ ვაკეთებთ ამას? რას აკეთებდა საქართველოს ხელისუფლება ბოლო 1 წლის განმავლობაში? ის საქართველოს ევროკავშირის წევრობასთან კი არ აახლოებდა, არამედ ევროკავშირის წევრობისგან დააშორა.

ჩვენ არ გვინდა, რომ ეს [შეზღუდვა] მოსახლეობაზე იყოს ორიენტირებული, სწორედ ამიტომ, ჩვეულებრივი ქართული პასპორტების მფლობელებს შეუძლიათ უვიზოდ იმოგზაურონ ევროკავშირში, მაგრამ მათ, ვინც წარმოადგენენ სახელმწიფოს, დიპლომატიური პასპორტების მქონე პირებს მოუწევთ განაცხადის შეტანა ვიზაზე.

ამის შესახებ საქართველოში ევროკავშირის ელჩმა, პაველ ჰერჩინკიმ "ექსპოჯორჯიაშია" ევროპის დღისადმი მიძღვნილ ღონისძიებაზე სიტყვით გამოსვლისას განაცხადა. კომენტარს "ტაბულა" ავრცელებს.

0 0

კომენტარები

კვირის ტოპ-5

  1. $1 მლნ-ზე მეტი ღირებულების ქონების მოპარვისთვის ნიუ-იორკში 48 წლის ქართველი დააკავეს
  2. თამთა მიქელაძე: მოსკოვის მექანიზმის გამოყენება ნიშნავს, რომ საქართველოს ხელისუფლების კვალიფიკაცია მძიმე ავტორიტარული ქვეყნების რიგშია
  3. ირაკლი კუპრაძე: დარწმუნებული ვარ, ივანიშვილის ხელისუფლება ეცდება, ხელი შეუშალოს ეუთოს კომისიის მუშაობას და ეცდება, გაამარგინალიზოს და პროპაგანდა ჩართოს
  4. რას ნიშნავს "მოსკოვის მექანიზმი", რომელიც 24-მა ქვეყანამ საქართველოში ადამიანის უფლებების დარღვევების შესასწავლად გაააქტიურა?
  5. "რატის ბარში" 18 წლის ბიჭის მკვლელობისთვის ბრალდებულ ივანე გიგლემიანს უვადო პატიმრობა მიესაჯა

გირჩევთ

ახლა კითხულობენ