Mountainhead HBO-ს ფილმია, რომელსაც Succession-ის ავტორი გადაიღებს. მთავარ როლებში კი — სტივ კარელი და რამი იუსუფი მოგვევლინებიან.

გიფიქრია ოდესმე, რას ფიქრობენ მილიარდერები დღევანდელ ეკონომიკურ არასტაბილურობაზე? ჯესი არმსტრონგმა იფიქრა, რომ ეს ის იშვიათი თემაა, რომელიც ამ პერიოდში ყველას აინტერესებს. თუ ჰოლივუდში ვინმე მდიდარი და გავლენიანი ადამიანების პაროდირების ხელოვნებას ფლობს ეს, სწორედ Succession-ის ავტორი და სცენარისტია. სწორედ ამიტომ, არმსტრონგმა ახალი ფილმი ოთხ მილიარდერზე გადაიღო, რომლებიც მოგზაურობისას ფინანსური კრიზისის წინაშე აღმოჩნდებიან.

ფილმის პრემიერა მომავალ თვეშია დაგეგმილი.

მთავარ როლებში სტივ კარელი, ჯეისონ შვარცმანი, რამი იუსუფი და კორი მაიკლ სმიტი არიან. ისინი მდიდარ მეგობრებს განასახიერებენ. მეგობრების თოვლში სკუტერებით გასეირნება და პოკერის საღამო მსოფლიო კრიზისის გამო წყდება.

თუ The White Lotus-ის მეოთხე სეზონის ზამთრის დასვენება მოგენატრათ, Mountainhead ძალიან ჰგავს არმსტრონგის ამ ჟანრის ინტერპრეტაციას.

ფილმის პირველ თრეილერში, ფუფუნებას შეჩვეული სტუმრები ტელევიზორში გამოჩენილი სათაურების გამო პანიკაში ვარდებიან. "ძალადობა მატულობს ინდოეთში" და "უზბეკეთის პრეზიდენტი იძულებულია საიდუმლო ადგილას გადავიდეს" — ვკითხულობთ ეკრანზე.

Variety-ს ინფორმაციით, არმსტრონგმა გადაღებები მარტში დაიწყო. რაც იმას ნიშნავს, რომ ფილმის გადაღება შესაძლოა მან მხოლოდ ერთ თვეში დაასრულა. HBO აცხადებს, რომ Mountainhead-ის პრემიერა Max-ზე მომდევნო თვეში, შაბათს, 31 მაისს შედგება.