საქართველოს მე-5 პრეზიდენტი სალომე ზურაბიშვილი სოციალურ ქსელში წერს, რომ აღდგომის დღეს, აქტივისტები, რომლებიც პოლიციელებს ტრადიციული სააღდგომო მისალმებით მიმართავდნენ, დააკავეს.

"#ტერორისაქართველოში აღდგომის დღეს, საქართველოში საპროტესტო აქციების მეხუთე თვეში აქტივისტები, რომლებიც პოლიციელებს ტრადიციული სააღდგომო მისალმებით მიმართავდნენ, სწორედ ამ პოლიციელებმა დააკავეს", — წერს სალომე ზურაბიშვილი სოციალურ ქსელში.

შეგახსენებთ, რომ პარლამენტთან პოლიციამ საპროტესტო აქციის 2 წევრი — გიორგი ორთოიძე და მიხეილ სამხარაძე დააკავა. როგორც დაკავების თვითმხილველები ამბობენ, დაკავებამდე ერთ-ერთმა პოლიციელებს მიმართა: "ქრისტე აღდგა, ბიჭებო".

ინტელექტკლუბ "რა? სად? როდის?" წევრი მიხეილ სამხარაძე დიღმის წინასწარი დაკავების იზოლატორში იმყოფება, გიორგი ორთოიძის ცოლის, ნათია ბუკიას ცნობით, გიორგი ორთოიძე ავჭალის წინასწარი დაკავების იზოლატორშია.

შსს-ს ცნობით, გასულ ღამეს რუსთაველის გამზირზე 2 პირი ადმინისტრაციული წესით დააკავეს