სერბეთში გამართულ თავის ფოტო-გამოფენაზე დევიდ ლინჩი ფანებს სკაიპით ჩაერთო და გაესაუბრა. რა გასაკვირია, რომ ყველაზე მეტი კითხვა ტვინ პიკსის გარშემო ტრიალებდა, რომლის დამაბნეველი ფინალიც 3 სექტემბერს გავიდა.

როდესაც ლინჩს მეოთხე სეზონის შესახებ ჰკითხეს, მან თქვა, რომ ამაზე საუბარი ცოტა ნაადრევია და თუ სერიალი გაგრძელდებოდა, ფანებს დიდი მოთმინების გამოჩენა მოუწევდათ.

კიდევ ერთხელ.

ფოტო: Showtime

"ოთხ წელზე მეტი დამჭირდა იმისთვის, რომ ტვინ პიკსის მესამე სეზონი დამეწერა და გადამეღო".

ვიმედოვნოთ, რომ ლორა პალმერს, კიდევ ერთხელ, 2,5 წელიწადში ვნახავთ.

ალბათ არ გაოცდებით, როცა გაიგებთ, რომ ლინჩმა ყველა კითხვას არ უპასუხა. მაგალითად, იმას, თუ რა დაემართა ოდრი ჰორნს, რომლის სცენაც მეთხუთმეტე სერიაში უამრავ კითხვის ნიშანს აჩენს.

"მთავარია შენ რისი გჯერა. რას ფიქრობ, რომ მოხდებოდა. ცხოვრებაში უამრავი რამ ხდება და ჩვენ ჩვენი საკუთარი პასუხები უნდა გვქონდეს. მაგალითად, წიგნის წაკითხვის შემდეგ შეიძლება მილიონობით კითხვა გაგიჩნდეს და მის ავტორთან საუბარი მოგინდეს, მაგრამ ის გარდაცვლილი იყოს. სწორედ ამიტომ არის ყველაფერი შენზე დამოკიდებული" - თქვა ლინჩმა.

სხვა სიტყვებით რომ ვთქვათ, ლინჩს სურს, რომ ჩვენ ყველა დეტექტივები ვიყოთ, რაც ტვინ პიკსის ფანებს ნამდვილად არ გაგვიჭირდება.