საქართველოს რკინიგზამ ფეისბუქ-პოსტში წერს, რომ ბათუმში სამგზავრო მატარებელი მცირეწლოვან ბავშვს დაეჯახა, რომელიც ადგილზე გარდაიცვალა.

უბედური შემთხვევა იმ დროს მოხდა, როდესაც მატარებელი ბაქანთან მიდიოდა და ბათუმი-ქუთაისის რეისი უნდა შეესრულებინა. კომპანია განცხადებაში სამძიმარს უცხადებს გარდაცვლილის ოჯახის წევრებს.

"უბედური შემთხვევა მოხდა ბათუმის სადგურის მიმდებარე ტერიტორიაზე. სამგზავრო მატარებელი მცირეწლოვან ბავშვს დაეჯახა. არასრულწლოვანი ადგილზე გარდაიცვალა. მატარებელი ბაქანთან მიდიოდა, რომელსაც ბათუმი-ქუთაისის რეისი უნდა შეესრულებინა. ადგილზე მისულია საპატრულო და კრიმინალური პოლიცია. საქართველოს რკინიგზა მწუხარებას გამოთქვამს ტრაგედიის გამო და სამძიმარს უცხადებს გარდაცვლილის ოჯახის წევრებს." — განაცხადა საქართველოს რკინიგზამ.