გამოქვეყნდა ევროკავშირის ანგარიში საქართველოში ბიზნეს კლიმატის შესახებ (EU4Georgia). რომლის მიხედვითაც, ეკონომიკური ზრდის მიუხედავად, საქართველოში ბიზნესები მზარდ გამოწვევებს აწყდებიან: პოლიტიკური არასტაბილურობა, არასაკმარისი სამუშაო ძალა და სავაჭრო ბარიერები. წლევანდელი ანგარიში ხაზს უსვამს დასაქმებისთვის საჭირო უნარების მხრივ არსებულ სერიოზულ ხარვეზს, რაც ეკონომიკას მთლიანი შიდა პროდუქტის დაახლოებით 26% უჯდება.

მთავარი მიგნებები:

პოლიტიკური არასტაბილურობა ასუსტებს ბიზნეს გარემოს;

სამუშაო ძალის სიმცირე ანელებს ეკონომიკურ ზრდას — კომპანიების 48% აცხადებს, რომ სამუშაოს შესრულების მხრივ 5-40% ჩამორჩენა აქვთ კვალიფიციური მუშახელის ნაკლებობის გამო;

ევროკავშირთან ვაჭრობა კვლავ ძლიერია, მაგრამ 2023 წელს ექსპორტი 18%-ით შემცირდა, რაც ძირითადად შესაბამისობისთვის გაწეული მაღალი ხარჯებისა და გაუმართავი ინფრასტრუქტურის გამო მოხდა;

ბიზნესების ძალისხმევის ფონზე გაერკვიონ პოლიტიკურ და ეკონომიკურ არასტაბილურ გარემოში, ევროკავშირი საქართველოს ეკონომიკური განვითარების, სამუშაო ძალის ზრდისა და ქვეყნის ევროპულ ბაზრებზე ინტეგრაციის ხელშეწყობის ერთგული რჩება. კერძო სექტორი მნიშვნელოვან როლს ასრულებს საქართველოს მომავლის ფორმირებაში და ჩვენ გავაგრძელებთ მხარდაჭერას რეფორმების გატარების, უნარების განვითარებისა და სავაჭრო შესაძლებლობების შექმნის მიმართულებით. ევროკავშირი ურყევად გვერდში უდგას საქართველოს მოსახლეობას და მის დემოკრატიულ და ეკონომიკურ მისწრაფებს.

დეტალური ინფორმაცია ანგარიშის შესახებ შეგიძლიათ იხილოთ აქ.