დიდ ბრიტანეთში რუსეთის ელჩმა, ანდრეი კელინმა Sky News-თან ინტერვიუში რუსეთის უკრაინაში მიმდინარე აგრესიაზე და მასში რუსეთის ფედერაციის ინტერესებზე ისაუბრა.

კელინმა "სიგიჟე" უწოდა ემანუელ მაკრონის იდეას ცეცხლის დროებით შეწყვეტის შესახებ, რომელსაც ვოლოდიმირ ზელენსკიც ეთანხმებოდა — მაკრონის შეთავაზების თანახმად, ჰაერში და ზღვაზე ომი უნდა შეჩერდეს და შეწყდეს თავდასხმა ენერგეტიკულ ინფრასტრუქტურაზე.

რუსეთის ელჩმა განაცხადა ისიც, რომ რუსეთისთვის მიუღებელია უკრაინაში ბრიტანული და ფრანგული სამშვიდობო კონტიგენტის ყოფნას.

"ჩვენ გვჭირდება ახალი უკრაინა ნეიტრალური და არაბირთვული სახელმწიფოს სტატუსით. სიტუაცია ტერიტორიების კუთხით უნდა იყოს აღიარებული. ეს ტერიტორიები შეტანილია ჩვენს კონსტიტუციაში და ჩვენ გავაგრძელებთ იმის დაჟინებით მოთხოვნას, რომ უკრაინის მთავრობის ძალამ სრულად დატოვოს ეს ტერიტორიები", — აცხადებს ანდრეი კელინი.