რუსეთის ფედერაციის ავტორიტარი მმართველი, ვლადიმერ პუტინი აშშ-სა და რუსეთს შორის საუდის არაბეთში გამართულ მოლაპარაკებებს გამოეხმაურა და პოზიტიურად შეაფასა.

კერძოდ, პუტინმა განაცხადა, რომ აფასებს საუდის არაბეთში ჩატარებული მოლაპარაკებების შედეგს და ამჯერად აშშ-ის მხრიდან მოლაპარაკებებზე "საერთოდ სხვა ხალხი" იყო წარმოდგენილი — ყოველგვარი მიკერძოების გარეშე.

პუტინმა ისაუბრა დონალდ ტრამპთან შეხვედრის პერსპექტივაზეც — მისი თქმით, აშშ-ის პრეზიდენტს სიამოვნებით შეხვდება, თუმცა ამ შეხვედრის მომზადებაა საჭირო. ასევე, რუსეთის პრეზიდენტის განცხადებით "შუამავალი რუსეთსა და აშშ-ს შორის მოლაპარაკებებში საჭირო არ არის და მას შემდეგ, რაც ტრამპმა ობიექტური ინფორმაციის მიღება დაიწყო, ამან მისი მიდგომა შეცვალა".