ქონებრივი დეკლარაციის შევსებას "ერთიანი ნაციონალური მოძრაობის" წევრები არ აპირებენ — ამის შესახებ თვითონვე პარტიის წევრები აცხადებენ.

"ერთიანი ნაციონალური მოძრაობის" წევრმა, გია ჯაფარიძემ განმარტა, რომ პარტია ენმ-ს ანტიკორუფციული ბიურო დეკლარაციის შევსებას სთხოვს, როგორც პარლამენტის წევრებს.

ჯაფარიცძე აცხადებს, რომ პარტია პარლამენტის ლეგიტიმაციას არ ცნობს. ამასთან აცხადებს, რომ არაგონივრულია მათი მხრიდან დეკლარაციის შევსება, რადგან ისინი დეპუტატები არ არიან.

"ჩემთვის უცნობი ნომრიდან მივიღე ზარი, თავი წარადგინეს როგორც ანტიკორუფციული ბიუროს თანამშრომლებმა და მითხრეს, რომ რაღაც დეკლარაცია მაქვს შესავსები როგორც საქართველოს პარლამენტის წევრს. მე მაქვს დაწერილი განცხადება მანდატის დატოვების შესახებ. არაერთხელ მითქვამს, რომ არ ვცნობ ამ პარლამენტის უფლებამოსილებას, გამომდინარე იქიდან, რომ 26 ოქტომბრის არჩევნები იყო მასობრივად და ტოტალურად გაყალბებული. ეს პარლამენტი ვერანაირად ვერ ჩაითვლება ლეგიტიმურად. მე არ დავდივარ პარლამენტში, არ ვიღებ მონაწილეობას პარლამენტის მუშაობაში, არ მერიცხება სახელფასო ანაზღაურება, არ მაქვს დადებული საქართველოს პარლამენტის წევრის ფიცი, შესაბამისად, მიმაჩნია, რომ სრულიად არაგონივრულია შევასო დეკლარაცია, რომლის შევსებასაც მთხოვონ. იგივე წარმატებით ანტიკორუფციულ ბიუროს შეუძლია დამაბრალოს, რომ ვარ ან ზებრების მეჯინიბე, ან ლემურების მანდატურთუხუცესი და მთხოვოს დეკლარაციის შევსება", — განაცხადა ჯაფარიძემ.