უკრაინის პრემიერმინისტრი, დენის შმიგალმა განაცხადა, რომ უკრაინამ აშშ-სგან გაყინული რუსული აქტივების 20 მილიარდი დოლარიდან პირველი ტრანში მიიღო.

ამის შესახებ შმიგალი X-ის საკუთარ გვერდზე წერს.

"უკრაინამ შეერთებული შტატებისგან 1 მილიარდი დოლარი მიიღო, რომელიც გაყინული რუსული აქტივების სარგებლითაა უზრუნველყოფილი. ეს არის დაგეგმილი 20 მილიარდი დოლარის პირველი ტრანში, რომლის გადმოცემასაც აშშ "დიდი შვიდეულის" ინიციატივის ფარგლებში აპირებს. მადლობელი ვართ ამერიკელი პარტნიორებისა და მსოფლიო ბანკის სამართლიანობისკენ ამ მნიშვნელოვანი ნაბიჯისთვის. ველით, რომ მოხდება ყველა რუსული სუვერენული აქტივის კონფისკაცია და უკრაინის აღსადგენად გამოყენება", — წერს შმიგალი.