დღეს, 23 დეკემბერს, ზუგდიდში საპროტესტო აქცია გაიმართა ლოზუნგით — "ვითხოვთ ხელახალ არჩევნებს".

მოქალაქეები, საქართველოს და ევროკავშირის დროშებით ხელში, ქალაქის ცენტრში, სახელმწიფო რწმუნებულის ადმინისტრაციის შენობასთან შეიკრიბნენ.

დემონსტრანტების მთავარი მოთხოვნა, არის აქციების პერიოდში დაკავებული პატიმრების გათავისუფლება.

ამასთან, აქციის მონაწილეები აცხადებენ, რომ ქვეყანაში არსებული მდგომარეობიდან გამოსავალი ხელახალი არჩევნების ჩატარებაა.

მოგვიანებით, აქციის მონაწილეებმა მსვლელობა მოაწყვეს ქალაქის ცენტრალურ ქუჩებში.