ენერგო-პრო ჯორჯიას მიერ გავრცელებული ინფორმაციით, მათი აბონენტების ნაწილს ელექტროენერგიის მიწოდება დროებით შეეზღუდებათ. მიზეზად ქსელის გეგმური სარეაბილიტაციო სამუშაოები სახელდება.

გავრცელებულ ინფორმაციაში ვკითხულობთ, რომ ელექტროენერგიის შეზღუდვა შეეხება თბილისის რაიონებს, სოფელ დიღომს და მცხეთის და თიანეთის რაიონის სოფლებს.

"ქსელის გეგმური სარეაბილიტაციო სამუშაოების გამო, 24 დეკემბერს 11:00-იდან 17:00 საათამდე ელექტროენერგიის მიწოდება შეეზღუდება აბონენტებს თიანეთის რაიონის სოფლებში ღულელები, საყდრიონი, ხევსურთსოფელი, თოლენჯი, ტოლაანთსოფელი და მიმდებარე სოფლებში; 11:00-იდან 16:00 საათამდე აბონენტებს სოფელ დიღომში ჩალიპირებში, ლევან რჩეულიშვილის, ვახტანგ ცინცაძის, გიორგი ნანეიშვილის და მიმდებარე ქუჩებზე; 11:00-იდან 18:00 საათამდე აბონენტებს მცხეთის რაიონის სოფლებში სელექცია, მუხრანი, ნიჩბისი, ახალუბანი, მისაქციელი, ქსანი და მიმდებარე სოფლებში; 12:00-იდან 16:00 საათამდე აბონენტებს სიონში; 12:30-იდან 16:00 საათამდე აბონენტებს თბილისის მუნიციპალიტეტში თხინვალაში, ლისზე და მიმდებარე ტერიტორიაზე. სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში", — ნათქვამია ენერგო-პრო ჯორჯიას მიერ გავრცელებულ განცხადებაში.