მმართველმა პარტიამ დაიკავა რუსული გზა და თავს ისე აჩვენებს, რომ თითქოს ევროპისკენ სურს მოძრაობა, — ამის შესახებ საქართველოს პრეზიდენტმა სალომე ზურაბიშვილმა ევროპარლამენტში სიტყვით გამოსვლისას განაცხადა, მისი თქმით, ორი მხარე არ არსებობს, ერთ მხარეს არის ქართველი ხალხი და მეორე მხარეს ხელისუფლების რეპრესიული აპარატი.

"[ქუჩაში გამოსული ხალხის] მოთხოვნა არის ორი: დააბრუნეთ ჩემი ხმა, რადგან არჩევნები იქნა მოპარული, მომეცით ჩემი ევროპული მომავალი — ეს არის ახალი არჩევნების მოთხოვნა. ეს არ არის რევოლუციური მოძრაობა, ეს არის მოთხოვნა, რომ დაგვიბრუნდეს არჩევნები თავისუფალ და სამართლიან გარემოში. ეს არის ხალხის ლეგიტიმური მოთხოვნა. ხალხის მოთხოვნაა, რომ დემოკრატიულად მოხდეს ხმის მიცემის უზრუნველყოფა. არ არის საშიშროება, რომ ჩვენ სამოქალაქო დაპირისპირებისკენ მივდიოდეთ. ერთ მხარეს არის ხალხი და მეორე მხარეს არის ერთი პარტია. ამის დადასტურებაა ის, რომ მმართველმა პარტიამ დაიკავა რუსული გზა და თავს ისე აჩვენებს, რომ თითქოს ევროპისკენ სურს მოძრაობა. მათ ამომრჩევლებს შორისაც კი, არის ის სურვილი, რომ ქვეყანა ევროპული გზით წავიდეს. ყველა გამოკითხვა აჩვენებს, რომ ხალხს სურს ევროპული გზით განვითარება", — განაცხადა პრეზიდენტმა სალომე ზურაბიშვილმა ევროპარლამენტში.