60-ზე მეტი ბიზნესი ითხოვს, რომ დაინიშნოს ახალი არჩევნები და ბოლო პერიოდის განმავლობაში დაკავებული ადამიანები ახალ წლამდე გათავისუფლდნენ. საერთო განცხადებაზე ხელმწორა ახალ პლატოფრმა – Freebusiness.ge-ზეა შესაძლებელი.

60-ზე მეტი ბიზნესი განცხადებას ავრცელებს, რომელშიც წერია, რომ ისინი ითხოვენ ახალი არჩევნების დანიშვნას და ბოლო პერიოდში დაკავებული ადამიანების ახალ წლამდე გათავისუფლებას.

"არსებული კრიზისი გასცდა პარტიული პოლიტიკის საზღვრებს, რაც გარდაუვალი სოციალური და ეკონომიკური საფრთხის წინაშე აყენებს ქვეყანას. აუცილებელია ვითარების რაც შეიძლება სასწრაფო დეესკალაცია. დეესკალაციის ყველაზე პრაგმატული გზა არის ახალი არჩევნების დანიშვნა და ბოლო პროცესების განმავლობაში დაპატიმრებული ადამიანების ახალ წლამდე განთავისუფლება.ჩვენ, ქართული ბიზნესის წარმომადგენლები, ვართ რა პასუხისმგებელნი ქვეყნის ბედზე და მის შეუქცევად განვითარებაზე, განურჩევლად ჩვენი პოლიტიკური პრეფერენციებისა ხელს ვაწერთ ამ მოწოდებას და განცხადებას", — წერია განცხადებაში.

ბიზნესმენები, ვინც ფიქრობენ, რომ ქვეყანაში შექმნილი ვითარების დეესკალაციის გზა ახალი არჩევნების დანიშვნასა და პროევროპულ აქციებზე დაკავებული მოქალაქეების ახალ წლამდე გათავისუფლებაშია, შეუძლიათ დარეგისტრირდნენ Freebusiness.ge-ზე და საკუთარი პოზიცია დააფიქსირონ.