სწორედ „ქართული ოცნების“ მოქმედების კურსმა ევროკავშირში გაწევრიანების პროცესის დე ფაქტო შეჩერება გამოიწვია, — ამის შესახებ ევროკავშირის პრესსპიკერის, ანიტა ჰიპერის განცხადებაშია ნათქვამია, რომლითაც ევროკავშირი საქართველოში განვითარებულ მოვლენებს ეხმაურება.

"დემოკრატიის განუწყვეტელმა უკუსვლამ და საქართველოს ხელისუფლების მიერ ბოლო დროს გამოყენებულმა რეპრესიულმა საშუალებებმა ჩვენს ორმხრივ ურთიერთობებზე გავლენა იქონია. ევროკავშირი დამატებით ზომებს განიხილავს 16 დეკემბერს, ევროკავშირის ქვეყნების საგარეო საქმეთა მინისტრების მომავალ შეხვედრაზე", — აცხადებს ანიტა ჰიპერი.

განცხადებაში ევროკავშირი ქართულ ოცნებას ქვეყანაში დაძაბულობის განმუხტვისკენ მოუწოდებს დაწერს, რომ "ძალადობა არ არის პასუხი საპროტესტო აქციების მონაწილეების მოთხოვნებზე საქართველოს დემოკრატიულ და ევროპულ მომავალთან დაკავშირებით".

"მოვუწოდებთ ქართულ ოცნებას დეესკალაციისკენ, რომ დაასრულოს ეს ვითარება, რომელიც საქართველოს მოსახლეობას ძალიან დიდ ფასად უჯდება. ძალადობა არ არის პასუხი საპროტესტო აქციების მონაწილეების მოთხოვნებზე საქართველოს დემოკრატიულ და ევროპულ მომავალთან დაკავშირებით", — ნათქვამია გავრცელებულ წერილში.

აღსანიშნავია, რომ საკმაოდ ვრცელ წერილში ევროკავშირი არც ერთხელ არ ახსენებს "საქართველოს ხელისუფლებას", მიმართავს მხოლოდ "ქართულ ოცნებას".