სალომე ზურაბიშვილი: შეიძლება, თქვენს შორის იყონ სუსის წარმომადგენლები, რომლებიც პროვოკაციების მოწყობას ცდილობენ

1 Dec. 2024, 21:39

"ჩვენ უნდა დავიცვათ ისინი [დემონსტრანტები] პროვოკაციებისგან. მე მინდა პირდაპირ ვთქვა — ჯერ ერთი, ის, რომ, შეიძლება, თქვენს შორის იყონ სუსის წარმომადგენლები, რომლებიც პროვოკაციების მოწყობას ცდილობენ და მათ მიმართ სიფრთხილეა საჭირო, მაგრამ მე ამას ვერ გასწავლით. სამაგიეროდ, მე შემიძლია გაგაფრთხილოთ იმასთან დაკავშირებით, რომ მე მომივიდა შეტყობინებები, რომლებიც ეხება იმას, რომ თითქოს, უკრაინიდან ქართველი სამხედროები ემზადებიან ან ჩამოსულები არიან იმისთვის, რომ ჩაერთონ როგორც სამხედროები ამ პროტესტში. ეს არის პირდაპირი პროვოკაცია, ასეთი რამე არ ხდება, არავინ დაიჯეროთ, რადგან ეს არის პირდაპირ მიმართული პროტესტის წინააღმდეგ. ეს არის ის, რაც ყველაზე უფრო აწუხებს მმართველ პარტიას — ის, რომ პროტესტი და ყველაფერი მის ირგვლივ, არის კონსტიტუციურ ჩარჩოებში. მთლიანად ჩვენ ვართ საზოგადოება სამოქალაქო წამოწყებებით. ქუჩის პროტესტის ჩათვლით, ჩვენი ყველა ქმედებით, ჩვენ ვართ კონსტიტუციის მხარეს".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ