სოხუმის სახელმწიფო უნივერსიტეტის 150-ზე მეტი სტუდენტი მთავრობის გადაწყვეტილებას ემიჯნება, — ამის შესახებ მათ მიერ გავრცელებულ განცხადებაში ვკითხულობთ.

გავრცელებულ განცხადებაში ნათქვამია, რომ ოცნების ხელისუფლების EU-ში გაწევრიანების მოლაპარაკებების პროცესის შეჩერება საქართველოს კონსტიტუციის 78-ე მუხლის დარღვევა. მათი თქმით, ყველა ის ადამიანი ან უწყება, რომელიც ეწინააღმდეგება ქართველი ხალხის სურვილს, გახდეს ევროკავშირის სრულუფლებიანი წევრი ქვეყანა, მოღალატეა.

"სოხუმის სახელმწიფო უნივერსიტეტის აქტიური სტატუსის მქონე სტუდენტები ვემიჯნებით საქართველოს რუსული მთავრობის რუსულ გადაწყვეტილებას! ვფიქრობთ, რომ ეს არის საქართველოს კონსტიტუციის 78-ე მუხლის დარღვევა. ჩვენი ადგილი ევროპაშია და არ ვაპირებთ რუსეთში ცხოვრებას. ვფიქრობთ, რომ ყველა ის ადამიანი ან უწყება, რომელიც ეწინააღმდეგება ქართველი ხალხის სურვილს, გახდეს ევროკავშირის სრულუფლებიანი წევრი ქვეყანა, მოღალატეები არიან ერის წინაშე. ამრიგად, სოხუმის სახელმწიფო უნივერსიტეტის ადმინისტრაციასა და რექტორს ბატონ ზურაბ ხონელიძეს მოვუწოდებთ გააკეთოს განცხადება და დადგეს ისტორიის სწორ მხარეს! ჩვენ არ ვაპირებთ აუდიტორიებში სიარულს და მოვითხოვთ უნივერსიტეტმა შეაჩეროს სასწავლო პროცესი!", — ნათქვამია სტუდენტების მიერ გავრცელებულ განცხადებაში.