ის, თავისი ბუნებით, თუ გნებავთ ჰაბიტუსითაც, არის ქართველი კაცის საუკეთესო განსახიერება, — ამის შესახებ ქართული ოცნების საპატიო თავმჯდომარემ, ბიძინა ივანიშვილმა საპრეზიდენტო კანდიდატის, მიხეილ ყაველაშვილის წარდგენისას განაცხადა.

"მიხელ ყაველაშვილს საზოგადოების წინაშე განსაკუთრებული წარდგენა არ სჭირდება. წლების მანძილზე ის, როგორც წარმატებული ფეხბურთელი იცავდა საქართველოს ღირსებას. მიშა იყო საქართველოს საფეხბურთო ნაკრების სტაჟიანი წევრი. ის არის რამდენიმე ქვეყნის მრავალგზის ჩემპიონი. მისი საფეხბურთო კარიერა უკავშირდება თბილისის დინამოს, ვლადიკავკაზის ალანიას, მანჩესტერ სითის, წამყვან შვეიცარიულ საფეხბურთო კლუბებს. პოლიტიკური საქმიანობის დაწყებამდეც ყაველაშვილი ყოველთვის უკომპრომისოდ გამოხატავდა თავის პრინციპულ პოზიციას ქვეყნისთვის მნიშვნელოვან ყველა საკითხზე...

ის, თავისი ბუნებით, თუ გნებავთ ჰაბიტუსითაც, არის ქართველი კაცის საუკეთესო განსახიერება. ის არის შესანიშნავი მეუღლე და 4 შვილის მამა", — თქვა ივანიშვილმა.

"ოცნებამ" პრეზიდენტის არჩევნები 14 დეკემბერს დანიშნა, ინაუგურაცია კი 29 დეკემბერს გაიმართება.