უკრაინის შეიარაღებულმა ძალებმა რუსეთის ტერიტორიაზე არსებულ სამხედრო სამიზნეებზე ბრიტანული Storm Shadow-ს ტიპის რაკეტებით იერიში პირველად მიიტანა. ამის შესახებ გამოცემა Bloomberg-ს ანონიმურ ოფიციალურ პირზე დაყრდნობით წერს.

წყაროს მტკიცებით, დიდმა ბრიტანეთმა უკრაინას ნება დართო, რუსეთის წინააღმდეგ ბრიტანული წარმოების შორი რადიუსის რაკეტები გამოიყენოს. მიზეზად რუსეთის მიერ კურსკის ოლქში ჩრდილოკორეელი ჯარისკაცებისგან შემდგარი ბატალიონების განლაგება სახელდება.


Bloomberg-ის ინფორმაციით, როგორც Telegram-არხი Rybar წერს, ბრიტანული Storm Shadow რაკეტების ნამსხვრევები კურსკის ოლქში იპოვეს, ხოლო 2 ასეთი რაკეტა რუსეთის შეიარაღებულმა ძალებმა კრასნოდარის მხარეში, იეისკის თავზე ჩამოაგდეს. ინფორმაცია ჯერჯერობით დადასტურებული არ არის