თსუ-ს 023 აუდიტორიაში სტუდენტები ორგანიზებული საჯარო ლექცია "სახელმწიფო დაუმორჩილებლობა და ბოიკოტი" იმართება.

სტუდენტებს საჯარო ლექცია 12 საათზე ჰქონდათ დაგეგმილი, მაგრამ უნივერსიტეტის დაცვის წინააღმდეგობის გამო მათ შენობაში დროულად შესვლა ვერ შეძლეს, ლექცია თითქმის 50 წუთის დაგვიანებით დაიწყო. თსუ-ს ადმინისტრაციაში განხორციელებული სატელეფონო ზარების შემდეგ, სტუდენტებს თსუ-ს შენობაში შესვლის და ლექციის ჩატარების უფლება მისცეს. უნივერსიტეტის რექტორმა, ჯაბა სამუშიამ მათ ყავა და ფუნთუშებიც გაუგზავნა.

როგორც NEWS.On.ge-სთვის გახდა ცნობილი, ჯაბა სამუშია სტუდენტებთან შეხვედრას ლექციის დასრულების შემდეგ გეგმავს.

შეგახსენებთ, რომ თსუ-ს სტუდენტების ნაწილი და მაისის სტუდენტური მოძრაობა 19 ნოემბრის შემდეგ ითხოვენ ჯაბა სამუშიას და უნივერსიტეტის ადმინისტრაციის გადადგომას. ისინი თვლიან, რომ 19 ნოემბერს თსუ-ს მიმდებარედ საპოლიციო ძალების მიერ აქციის დაშლითა და უნივერსიტეტის ტერიტორიაზე სამართალდამცავების ყოფნით უნივერსიტეტის წესდება დაირღვა.