უკრაინის პრეზიდენტ, ვოლოდიმირ ზელენსკისა და აშშ-ს ახლად არჩეულ პრეზიდენტ, დონალდ ტრამპს შორის სატელეფონო საუბარი შედგა. ამის შესახებ ზელენსკიმ სოციალურ ქსელ X-ში დაწერა.

ზელენსკი წერს, მან ტრამპს აშშ-ის საპრეზიდენტო არჩევნებში გამარჯვება მიულოცა. ზელენსკის ინფორმაციით, პრეზიდენტები შეთანხმდნენ, რომ მჭიდრო დიალოგს შეინარჩუნებენ და თანამშრომლობას გააძლიერებენ.

"მე მქონდა შესანიშნავი საუბარი პრეზიდენტ დონალდ ტრამპთან, მას მივულოცე ისტორიული და დამაჯერებელი გამარჯვება. მისმა არაჩვეულებრივმა კამპანიამ შესაძლებელი გახადა ეს შედეგი. ვაფასებ მის ოჯახსა და გუნდს ამ დიდი შრომისთვის.

ჩვენ შევთანხმდით, რომ შევინარჩუნებთ მჭიდრო დიალოგსა და გავაძლიერებთ ჩვენს თანამშრომლობას. აშშ-ის ძლიერი და ურყევი ლიდერობა სასიცოცხლოდ მნიშვნელოვანია მსოფლიოსთვისა და სამართლიანი მშვიდობისთვის", — წერს ვოლოდიმირ ზელენსკი.