ძლიერი საქართველოს ერთ-ერთი ლიდერის ანა ნაცვლიშვილის თქმით, ქართული ოცნების საპატიო თავმჯდომარემ, ბიძინა ივანიშვილმა კანონი დაარღვია, რადგან ხმა დაცვის თანამშრომლების უპრეცედენტო მობილიზების პირობებში მისცა.

ამ ფაქტთან დაკავშირებით ძლიერი საქართველოს დამკვირვებელმა საჩივარი შეიტანა, რასაც კომისიის აგრესია მოჰყვა.

ნაცვლიშვილი კომისიის წევრებს მოუწოდებს, რომ დაიცვან კანონი და არა ივანიშვილი.

"დღეს, რუსმა ოლიგარქმა, ხმის მიცემის დროს, დაარღვია საქართველოს კანონი. მან, ხმა მისცა დაცვის თანამშრომლების უპრეცედენტო მობილიზების პირობებში, რომლებმაც გადაკეტეს უბანი და მოქალაქეებს არ მისცეს შესაძლებლობა, რომ, ამ დროს, ესარგებლათ ხმის უფლებით, რადგან ოლიგარქი ბრძანდებოდა უბანზე და აძლევდა ხმას.

ეს არის კანონის დარღვევა, ასე საქართველოს კანონით და, მათს შორის, არსად ევროპაში, ხმის მცემა გათვალისწინებული არ არის. ამასთან დაკავშირებით, "ძლიერი საქართველოს" წარმომადგენელმა შეიტანა საჩივარი, რომელსაც კომისიის "გაავებული" რეაგირება მოჰყვა.

ახლა, ამ წუთებში, ჩვენ წარმომადგენელზე, რომელიც აპირებს, დაიცვას საქართველოს კანონმდებლობა და კანონის სრული დაცვით, დაწეროს საჩივარი, მომხდარ უკანონობასთან დაკავშირებით, არ აძლევენ საშუალებას, რომ განახორციელოს თავისი უფლებამოსილება, რითაც დამატებით არღვევენ ამ ქვეყნის კანონს.

მე, მსურს, მოვუწოდო მთაწმინდის, პირველი ოლქის, მესამე უბნის თავმჯდომარესა და კომისიის წევრებს - დაიცავით არა რუსი ოლიგარქი, არამედ ამ ქვეყნის კანონმდებლობა, ეს არის თქვენი ვალდებულება, ნუ უშლით ხელს "ძლიერი საქართველოს" დაკვირვებას, - ამბობს ანა ნაცვლიშვილი.