ისრაელის თავდაცვის მინისტრმა, იოავ გალანტმა განაცხადა, რომ, როგორც ჩანს, მოკლულია ჰეზბოლას ლიდერის, ჰასან ნასრალას შემცვლელი. ამის შესახებ ინფორმაციას Reuters ავრცელებს.

სააგენტო წერს, რომ ჰეზბოლას უმაღლესი თანამდებობის პირი — ჰაშემ საფიედინი ნასრალას შემცვლელად სახელდებოდა.

"ჰეზბოლა არის ორგანიზაცია ხელმძღვანელის გარეშე. ნასრალა განადგურებულია, მისი შემცვლელიც ალბათ განადგურებულია. ამას დრამატული ეფექტი აქვს ყველაფერზე, რაც ხდება. არავინაა გადაწყვეტილებების მიმღები", — განაცხადა გალანტმა.