თეა წულუკიანი კულტურის მინისტრის პოსტს ტოვებს. თეა წულუკიანი ქართული ოცნების საარჩევნო სიის მე-6 ნომერია. მისი თქმით, ხვალ ბოლო სამუშაო დღეა აქვს. ამის შესახებ მან რეჟისორ გიზო ჟორდანიას საიუბილეო საღამოზე სიტყვით გამოსვლისას განაცხადა.

"დღეს ამ სცენაზე ვარ იმიტომ, რომ უნდა დაგემშვიდობოთ. ხვალ მე ბოლო სამუშაო დღე მაქვს. რაც შეეხება ჩვენ ერთად მუშაობს, ამ 3 წლის განმავლობაში — თავიდან, სიურპრიზად, ელდა კი მეცა, მაგრამ ბოლო დღეებში შევმსუბუქდი და ხუმრობის ხასიათზე ვარ. მე არ ვიცი, პარლამენტში რა უნდა ვაკეთო და რატომ მეძახიან ჩემნაირ იურისტს. ცოტა მოხულიგნოს, ენას რომ ჯიბეში არ ინახავს — ეს ხანდახან პრობლემაა. დამიბარეს, მივდივარ და როლიც გაირკვევა, რა მაქვს მონიჭებული", — თქვა თეა წულუკიანმა.

თეა წულუკიანი 2012 წლის 25 ოქტომბრიდან 2020 წლის 29 სექტემბრამდე საქართველოს იუსტიციის მინისტრი იყო;

2020-2021 წლებში განათლებისა და მეცნიერების კომიტეტის თავმჯდომარის პოსტს იკავებდა;

2021 წლის 19 მარტიდან 2024 წლის 1 იანვრამდე საქართველოს კულტურის, სპორტისა და ახალგაზრდობის მინისტრი იყო. პირველი იანვრიდან — საქართველოს კულტურისა და სპორტის მინისტრად დაინიშნა. წულუკიანი 2021 წლის 12 ივლისიდან ვიცე-პრემიერის თანამდებობაც აქვს.