რუსი სამხედროები ტყვედ იმიტომ აგვყავს, რომ ჩვენს სამხედროებზე გავცვალოთ, ასეთივე დამოკიდებულებაა ტერიტორიების მიმართ, მათი მიწა არ გვჭირდება, — ამის შესახებ უკრაინის პრეზიდენტმა, ვოლოდიმირ ზელენსკიმ NBC News-სთან კურსკში მიმდინარე ოპერაციაზე საუბრისას განაცხადა. ზელენსკიმ განაცხადა, რომ უკრაინა ერთ ტერიტორიას მეორეზე არ გაცვლის,

"ჩვენ არ გვჭირდება რუსეთის ტერიტორია. მე ამას ყოველთვის ვამბობდი. ჩვენი ოპერაციები მიმართულია იმისკენ, რომ აღვადგინოთ ჩვენი ტერიტორიული მთლიანობა. ჩვენ არ გვჭირდება მათი ხალხი, მათი მოქალაქეები. მათი სამხედროები ტყვედ მხოლოდ იმიტომ აგვყავს, რომ ისინი ჩვენს სამხედროებზე გავცვალოთ. ასეთივე დამოკიდებულება ტერიტორიების მიმართ გვაქვს. ჩვენ არ გვჭირდება მათი მიწა. არ გვინდა იქ ჩვენი უკრაინული ცხოვრება დავნერგოთ. ამას ვამბობ იმიტომ, რომ მესმის, რა არის საერთაშორისო სამართალი და მესმის, რა არის ამა თუ იმ სახელმწიფოს სუვერენიტეტის პატივისცემა", – განაცხადა ზელენსკიმ.