ახალი ამბები On.ge

ნათია მეზვრიშვილი

28 Aug. 2024, 15:04

გუშინ, პარტია გახარია საქართველოსთვის მხარდაჭერის გამო, სამსახურიდან გაათავისუფლეს ხონის და სენაკის დირექტორები - ბატონი მინდია გველებიანი და ქალბატონი შორენა შამათავა, რომლებიც ადგილზე უპრეცედენტო მხარდაჭერით და ავტორიტეტით სარგებლობენ. ორივე პოზიციაზე დანიშნეს ოცნების პარტაქტივი: ხონში - სოფლის რწმუნებულის და სენაკში - პოლიციის მაღალჩინოსნის მეუღლე.

რამდენიმე დღის წინ, კასპის საკრებულოს დეპუტატის მეუღლე ფიზიკური ანგარიშსწორებით დაემუქრა ჩვენი გუნდის გამორჩეულად აქტიურ წევრს თათია ბროლაძეს.
ოცნების ადგილობრივ პარტაქტივთან ერთად, რა თქმა უნდა, ამ უკანონობაზე პირდაპირ პასუხისმგებლობას ვაკისრებთ ხელისუფლების მაღალი პოლიტიკური თანამდებობის პირებს, მათ შორის პარლამენტის თავმჯდომარეს, რომლებმაც მწვანე შუქი აუნთეს მუქარას, ძალადობას და პოლიტიკური ნიშნით დევნას!


პირდაპირი პასუხისმგებლობა ეკისრებათ, ასევე, სახელმწიფო უწყებებს (მათ შორის, ძალოვნებს და პროკურატურას), რომლებიც თვეების განმავლობაში რეაგირებას არ ახდენენ ჩვენს ოფიციალურ განცხადებებზე, რითაც უკანონობის თანამონაწილეებად იქცნენ.
რა თქმა უნდა, ნაცმოძრაობისგან გადმოღებული ეს მეთოდები ვერ შეგვაშინებს. კიდევ უფრო მეტი ძალისხმევით გავაგრძელებთ კამპანიას რეგიონებში და 26 ოქტომბერს ოცნების მარცხს ოფიციალურად გავაფორმებთ.

კომენტარები

კვირის ტოპ-5

  1. შსს: "სტუმრად მისული კაცი შეუძლოდ გახდა და გარდაიცვალა. ბრალდებულებმა ცხედარი ავტომობილით ტყეში დატოვეს"
  2. გიგა ავალიანის საქმეზე ალექსანდრე გაბაშვილსა და გიორგი რიკაძეს 10,5 წლით, დემეტრე ჩიქოვანს კი 6 წლით და 9 თვით პატიმრობა მიესაჯათ
  3. როგორ შეთანხმდნენ აშშ და ირანი ორკვირიან ცეცხლის შეწყვეტაზე?
  4. BMG: ზაზა ფაჩულია რაჭაში ჰესს ააშენებს
  5. საქართველოს საპატრიარქო ტახტის მოსაყდრე შიოს სააღდგომო ეპისტოლე

გირჩევთ

ახლა კითხულობენ

გადახედვა

ირაკლი კობახიძე: 1978 წლის 14 აპრილს ქართველმა ერმა მსოფლიოს დაანახა, რომ არასოდეს დათმობს ეროვნულ ღირსებას

გილოცავთ დედაენის დღეს! 1978 წლის 14 აპრილს ჩვენი ქვეყნის ისტორიაში გამორჩეული ადგილი უკავია. ამ დღეს საქართველო ერთ…