მოკლედ: საქართველოს პარლამენტის თავმჯდომარის თქმით, რუსულ კანონზე ეუთო/ოდირის და ევროსაბჭოს დასკვნის ავტორი არის ადამიანი, რომელიც სტრასბურგის სასამართლოში პრეზიდენტ მიხეილ სააკაშვილის ადვოკატია.

  • ინფორმაციას ინტერპრესნიუსი ავრცელებს.

დეტალები: "ამტკიცებდა [სააკაშვილის ადვოკატი] სტრასბურგის სასამართლოში, რომ გირგვლიანის და გელაშვილის ცემის საქმე არაფერი ყოფილა და ახლა დასკვნის საშუალებით გვიმტკიცებს, რომ თურმე უცხოური გავლენის გამჭვირვალობა ცუდია", — განაცხადა პაპუაშვილმა.

  • მისივე თქმით, სააკაშვილის ადვოკატი ევროსაბჭოს დასკვნის ერთადერთი ავტორია და დიდი ალბათობით, ეუთო/ოდირის დასკვნაც მთლიანად მისი ტექსტია:
  • "ბოლო ბოლო არ არსებობს დედამიწაზე სხვა ადამიანი, მაინცდამაინც მიხეილ სააკაშვილის ადვოკატს რატომ უნდა დააწერინო დასკვნა?".

გაიგე მეტი: ვენეციის კომისიის კატეგორიული რეკომენდაციაა, საქართველოს ხელისუფლებამ უარი თქვას რუსულ კანონზე

კონტექსტი: ეუთოს დემოკრატიული ინსტიტუტებისა და ადამიანის უფლებების ოფისმა, რუსულ კანონზე, საბოლოო დასკვნა გამოაქვეყნა.

  • დასკვნის მიხედვით, "საქართველოში ახლად შემოღებული კანონი" "უცხოური გავლენის გამჭვირვალობის" შესახებ შეიცავს სერიოზულ ხარვეზებს, რაც მას შეუთავსებელს ხდის ადამიანის საერთაშორისო უფლებების სტანდარტთან და ქვეყნის, როგორც ეუთოს წევრის ვალდებულებებთან.
  • "[კანონი] უნდა გაუქმდეს", — წერია დასკვნაში.

ამ თემაზე: ეუთო/ოდირი ე.წ უცხოეთის აგენტებზე — შეუთავსებელია დემოკრატიულ სტანდარტებთან და ადამიანის უფლებების კანონთან