მოკლედ: მას შემდეგ, რაც რუსული კანონის მხარდამჭერმა ქართული ოცნების დეპუტატებმა ლევან ხაბეიშვილს, ტარიელ ნაკაიძესა და სხვა ოპოზიციონერებს მიაყენეს სიტყვიერი შეურაცხყოფა, რასაც ფიზიკური დაპირისპირებაც მოჰყვა, პარლამენტის პლენარულ დარბაზში მათ სამიზნედ კიდევ ერთი ოპოზიციონერი დეპუტატი, ბექა ლილუაშვილი იქცა პარტიიდან — საქართველოსთვის.

  • "[...] ვინც 2012 წელს იქ იდგა და საკუთარი ქვეყნისთვის მართლა გულწრფელად იბრძოდა, ეგ ხალხია დღეს ისევ ქუჩაში. ეგ ხალხია ზუსტად დღეს ქუჩაში", — მიმართა ლილუაშვილმა საპარლამენტო უმრავლესობას.

მსგავსი: ფიზიკური დაპირისპირება სხდომათა დარბაზში — რა მოხდა (ვიდეო)

კონტექსტი: დღეს, 14 მაისს, საქართველოს პარლამენტში, რუსული კანონის მისაღებად მესამე, საბოლოო მოსმენა დაიწყეს. მესამე, საბოლოო მოსმენა ითვალისწინებს კანონპროექტის ტექნიკურ-რედაქციული შინაარსის განხილვას. ამ პროცესის შემდეგ პარლამენტის მესამე მოსმენით მხარდაჭერა კანონპროექტის მიღებას ნიშნავს და ის შემდეგ ხელმოსაწერად საქართველოს პრეზიდენტს გაეგზავნება. ცნობილია, რომ პრეზიდენტი რუსულ კანონს დაადებს ვეტოს, თუმცა, საპარლამენტო უმრავლესობას შეუძლია მისი დაძლევა.