რა ხდება: თბილისში ისევ პროტესტია. ხალხი ყოველდღიური, მასშტაბური აქციებით ეწინააღმდეგება ღიად ანტიდასავლური ქართული ოცნების სურვილს, მიიღოს რუსული კანონი საქართველოში.

  • კონტექსტი: რუსული კანონის მიღება რომ პრობლემას შეუქმნის საქართველოს ევროინტეგრაციას, ამაზე ისაუბრა დღეს გაფართოების საკითხებში ევროკომისიის გენერალურმა დირექტორმა ხერტ იან კოოპმანიმაც: "ახლა საქართველოს ხელისუფლებაზეა დამოკიდებული ნაბიჯის წინ გადადგმა. მე ნათლად ვთქვი, რომ ევროკავშირში ინტეგრაციის გზაზე ეს კანონი პრობლემაა", — თქვა მან. [მეტი]

დღეს საღამოს პროტესტი ერთდროულად მიმდინარეობს როგორც საქართველოს პარლამენტთან, ასევე, გმირთა მოედანზე, სადაც მოქალაქეებს პოლიციამ თავდაპირველად არ მისცა რუსული კანონის წინააღმდეგ პროტესტის გამოსახატად გზის გადაკეტვის შესაძლებლობა "ხალხის სიმცირის გამო." დემონსტრანტების რაოდენობა მალევე გაიზარდა და მათ შეაჩერეს სატრანსპორტო მოძრაობა.

  • უახლესი: პარლამენტთან მყოფი რუსული კანონის საწინააღმდეგო პროტესტის მონაწილეები სოლიდარობის ნიშნად შეუერთდნენ გმირთა მოედანზე მყოფ დემონსტრანტებს მალევე მას შემდეგ, რაც პოლიციამ იქ მოქალაქეების დაკავება დაიწყო.
  • მანამდე, პოლიცია აკავებდა გმირთა მოედანზე პირებს, რომლებიც გზის სავალ ნაწილზე გადაადგილდებოდნენ.
  • რამდენჯერმე ადგილი ჰქონდა დაპირისპირებას აქციის მონაწილეებსა და სამართალდამცავებს შორის.
  • დაახლოებით 20:00 საათისთვის გმირთა მოედანზე პოლიციამ დააკავა "ქვემეხის" წევრი, სანდრო ქერაული.
  • გმირთა მოედანზე შეუერთდნენ პროტესტს პარლამენტის წინ მყოფი აქციის მონაწილეებიც.
  • პროტესტმა სატრანსპორტო მოძრაობის პარალიზება გამოიწვია.

ფოტო: მარიამ მერლანი / On.ge

ფოტო: მარიამ მერლანი / On.ge

ფოტო: მარიამ მერლანი / On.ge

ფოტო: მარიამ მერლანი / On.ge

მასალა განახლებადია

საპროტესტო აქცია დაიწყო პარლამენტთანაც 19:00 საათზე.

ფოტო: მაიკო გაგუა / On.ge

ფოტო: მაიკო გაგუა / On.ge

ფოტო: მაიკო გაგუა / On.ge

ფოტო: მაიკო გაგუა / On.ge

ფოტო: მაიკო გაგუა / On.ge

ფოტო: მაიკო გაგუა / On.ge