მოკლედ: საქართველოს საპატრიარქო აცხადებს, რომ "შექმნილი პოლიტიკური კრიზისიდან მშვიდობიანი გამოსავლის საძიებლად, ურთიერთობებმა ქუჩიდან მოლაპარაკების მაგიდასთან უნდა გადაინაცვლოს".

დეტალები: საპატრიარქო წერს, რომ სამოქალაქო მშვიდობის დასაცავად, ყველას ეკისრება განსაკუთრებული პასუხისმგებლობა: სახელმწიფოს, ეკლესიას, არასამთავრობო თუ პოლიტიკურ სპექტრს.

  • "ასეთ რთულ პერიოდში ყველასათვის ზიანის მომტანი იქნება, შეურაცხმყოფელი მოქმედებები როგორც სახელმწიფო ინსტიტუტების და განსაკუთრებით სამართალდამცავების მიმართ, ასევე, აზრის მშვიდობიანად გამოთქმის უფლების დარღვევა ან ძალის შესაძლო გადამეტება".
  • საპატრიარქო აცხადებს, რომ ადამიანები "დაუფარავად ავლენენ ერთმანეთისადმი სიძულვილს", კატეგორიულ მიუღებლობას და რადიკალურ დამოკიდებულებას განსხვავებული აზრისა და პოზიციის გამო: "უთანხმოება ყოველდღიურად ღრმავდება და კრიზისში შედის".

კონტექსტი: დღეს, 2024 წლის 1-ელ მაისს, საქართველოს პარლამენტმა რუსული კანონი მეორე მოსმენით მიიღო. ამას ხალხი პარლამენტის შენობის ირგვლივ აპროტესტებს. რუსული კანონის მხარდამჭერმა ქართული ოცნების დეპუტატებმა შენობა საპოლიციო ძალების დახმარებით დატოვეს.

გაიგე მეტი: სია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ