რა ხდება: თბილისში, ბოჭორმის ქუჩაზე მომხდარი აფეთქების შედეგად დაშავებული 4 ადამიანიდან ერთ-ერთი დაიღუპა.

  • ინფორმაცია NEWS.on.ge-ს საგანგებო სიტუაციების მართვის სამსახურში დაუდასტურეს.

დეტალები: მათი ინფორმაციით, დაშავებული პირი საავადმყოფოში დაიღუპა.

  • დანარჩენი 3 ადამიანი კვლავ კლინიკებში რჩებიან.

რა ვიცით აფეთქებაზე: შსს-ს ინფორმაციით, აფეთქება დღეს ბოჭორმის ქუჩა N12-ში, მაღაზია ბეთლგრაუნდის სასროლეთში მოხდა.

  • დაშავებულები სასწრაფო-სამედიცინო დახმარების ჯგუფებმა სხვადასხვა საავადმყოფოში გადაიყვანეს.
  • აფეთქების ადგილზე იმყოფებიან შინაგან საქმეთა სამინისტროს შესაბამისი დანაყოფების თანამშრომლები, მათ შორის მეხანძრე-მაშველები, საპატრულო პოლიციისა და კრიმინალური პოლიციის წარმომადგენლები.
  • ამ დროისთვის ტარდება ყველა საჭირო ღონისძიება.
  • თუ რა გახდა აფეთქების მიზეზი, ამ დროისთვის, უცნობია.